Nabati ko ikaw
sa taliwala sa kasaba...
gisubay ko ang dalan
nga akong naagi-an-
nabihag sa balak nga
kinusot-kusot sa unos
ug nahimong abog...
bisan pa, mipatigbabaw gihapon
ang pagsabot nga wala mabuntog
sa di makatarungano'ng
sugo sa unod ug ang
binilanggo kong pangisip
mipasibo sa utlanan
sa alampat ug handuraw,
nahimong pak-an ang ispiritu,
mikapakapa ngadto sa
way sukod ug way kinutuban...
Alice Cuenca
http://www.poemhunter.com/poem/ang-langgikit-sa-alampat/
