Off-duty NYPD officer, binugbog; may kumuha ng video, walang tumulong
Si Mohammed Deen ay isang off-duty na pulis ng NYPD, na binubugbog sa isang kalsada sa gitna ng Queens, New York -- habang ang taong kumuha ng video ay nanood lamang imbes na tumulong.
Si Deen, at si Hayden Holder, ay nagkasagutan sa loob ng isang nightclub. Pagkatapos ay umalis si Deen at ang kanyang asawa mula sa nightclub, para kumain sa isang malapit na restaurant.
Ayon sa mga saksi, nakita ni Holder si Deen at sinapak ito mula sa likod. At dito may nagsimulang kumuha ng video gamit ang isang cellphone.
Nakakatakot mang panoorin ang bayolenteng aksiyon na nasa video, mas mahirap panoorin at pakinggan ang malakas na pagtawa ng kumukuha ng video, sabay sabi ng "Worldstar," na pangalan ng isang viral video website.
Sa panahon ngayon, mas importante ang maging "viral" kaysa sa tumulong sa kapwa; kaya kapag may nangyayaring masama, ang unang Gawain ng karamihan ay kunan ito ng video gamit ang kanilang cellphone.
Si Deen, na labingwalong taon nang miyembro ng NYPD, ay nananatiling nasa kritikal na kondisyon ng isang medically-induced coma, samantalang si Holder ay nakulong sa kasong attempted murder.
For news that's fun and never boring, visit our channel:
http://www.youtube.com/user/TomoNewsPH
Subscribe to stay updated on all the top stories:
http://www.youtube.com/subscription_center?add_user=TomoNewsPH
Stay connected with us here:
https://www.facebook.com/TomoNewsPH
