Projektin për arsimin parashkollor "Mozaiku", i cili funksionon tashmë rreth 10 vjet, Ministria e Punës dhe Politikës Sociale e vlerësoi si një nga më të suksesshmit nga aspekti i përkujdesjes për fëmijët dhe integrimin e tyre ndër-etnik. Me këtë projekt në 9 komuna të Maqedonisë, ku jeton popullatë me përkatësitë ndryshme etnike, në kopshte, janë formuar grupe multietnike me të cilët punon kuadri multi-etnik. Shumica e edukatoreve morën vendime për punë. Përjashtim bën vetëm Gostivari.
"Më duhet të them se jam shumë i kënaqur, sepse me përjashtim të një kryetari të komunës, të gjithë kryetarët i pranuan personat të cilët gjatë dhjetë viteve të kaluara punonin në grupet "Mozaiku" si edukatore dhe mësuese. Të gjithë personat janë të punësuar dhe kjo u realizua me mbështetjen e Ambasadës së Zvicrës, e pastaj Qeveria dha pëlqimin për punësimin e këtyre 20 personave", deklaroi Spiro Ristovski, ministër i Punës dhe Politikës Sociale.
Ministri tha se pret që kryetari i komunës së Gostivarit, Rufi Osmani, gjatë ditëve të ardhshme, megjithatë të vendos që ti punësojë edukatoret e komunës së tij që janë pjesë e këtij projekti. Nga Ministria sot përkujtuan se më 19 maj skadon afati që kopshtet që nuk e kanë regjistruar veprimtarinë e tillë në Ministrinë e Punës, do të duhet që ta ndërprejnë punën pasi nuk do të ketë zgjatje të afateve. Ministri Ristovski paralajmëroi edhe se me UNICEF-in po punojnë edhe në projektin e lidhur me kopshtet për fëmijë dhe kah fundi i këtij muaji do të ofrojë riorganizimin e kopshte dhe risi në pjesën e përkujdesjes së fëmijëve me nevoja të veçanta. Bojana Simonoviq
