'Meruni me vetveten jo me ne', kështu kanë porositur analistët BDI-në një pasi zëdhënësi i saj Bujar Osmani akuzojë të gjithë ata opinionistë që kritikojnë partinë e Ahmetit se na qenkan marioneta dhe megafon të LSDM-së. Alajdin Demiri në një prononcim për ALSAT-M tha se këto shenja nervozizmi që tregon BDI-ja tregojnë vetëm dëshpërimin e saj të thellë për mossuksesin e politikave të saj.
"Fakti që kjo politikë e BDI-së erdhi në këtë gjendje dhe mungesa e guximit që të merret realisht me politikbërjen konkretisht të merret me VMRO-në apo strukturën e vetë politike se si duhet të dilet nga kjo krizë ata tentojnë ti disiplinojnë analistët dhe mendimet tjera kritike ndaj situatës...Kjo rrugë që zgjodhi BDI-ja ky servilitet ndaj VMRO-së, kjo dëgjueshmëri e skajshme ndaj VMRO-së doemos ta sillte BDI-në në këtë gjendje. Tani e tutje BDI do ballafaqohet me atë se sa vështirë është të bëhet politikë në këto rrethana kur dështimet dhe dëshprimet janë të njëpasnjëshme. Kjo do të thotë se problemet serioze të BDI-së hapen tash. Sa iu përket analistëve dhe mendimeve tjera , asnjëherë ata nuk I kanë shërbyer apo së paku unë, nuk I kam shërbyer as Cërvenkovskit e as Gruevskit. Kësaj radhe e kanë gabim shkaku se bagazhin e kanë shumë të rëndë ku do duhet detyrimisht të merren me veten". tha Alajdin Demiri, analist.
Nga ana tjetër analisti Bekim Kadriu, i cili dy ditë më parë i sugjeroj BDI-së që të braktisë qeverinë, ngase nuk mund ti jetësoj idealet e saj, thotë se BDI-ja nuk duhet personalizojë deklaratat e analistëve.
"Unë nuk kam për qëllim ti personalizoj këto gjëra. Deklarata ime nuk ka pasur karakter partiak, unë nuk përkraha as kritikova një parti ose parti tjetër politike, qëllimi i deklaratës ka qenë në drejtim që BDI të gjej të forma të bërjes presionit politik ndaj partnerit në koalicion, me qëllim anëtarësimin në NATO dhe UE që është prioritet i gjithë shqiptarëve edhe i rajonit edhe i BDI-së simpati politike dhe unë nuk dyshoj se BDI ka legjitimitet dhe kapacitet që të sjell vendime të drejta politike", tha Bekim Kadriu, analist.
Komentet e analistëve në fjalë pasuan pas pres konferencës së djeshme të zëdhënësi të BDI-së Bujar Osmani, i cili në stilin e partnerit të koalicionit VMRO DPMNE , kritikoi të gjithë ata që kanë qasje kritike ndaj BDI-së duke i quajtur shqiptarë të angazhuar nga LSDM-ja për të kritikuar partinë shqiptare në pushtet. Bedri RExhallari
