Për një muaj do të dihet nëse shteti do të gjejë investues të ri për hidrocentralet "Çebren" dhe "Galishte". Ky është qëndrimi i Ministrisë së Ekonomisë. Nga ky dikaster thonë se ishte e papranueshme kërkesa e kompanisë kineze CWE, që qeveria ti lirojë nga pagesa e TVSH-së. Nëse kompania kineze mbetet në qëndrimin që të mos paguajë TVSH, me siguri procedura e tenderit për hidrocentralet edhe kësaj radhe nuk do të realizohet. Sipas ministrit të Ekonomisë, Valon Saraçini, nëse dështon tenderi edhe kësaj radhe, atëherë Qeveria ka pasur ndonjë mundësi tjetër.
"Nga ana tjetër po që se edhe këtë rast, edhe kësaj radhë përsëri dështon ky projekt, projekt që nuk mund të realizohet më shumë se 45 vite, në atë mënyrë ne do ta parashohim si pjesë e pakos së rekapitalizimit të ELEM-it ku planifikohet të rekapitalizohen diku rreth 49 për qind të aksioneve të kompanisë shtetërore ELEM dhe një pjesë prej asaj do të inkuadrohet dhe do të përfshihet në ndërtimin e vetëm një hidrocentrali, ai do të jetë Çebreni i cili do ti përmbush kushtet dhe nevojat të cilat momentalisht janë të nevojshme në tregun tonë", deklaroi Valon Saraçini, ministër i Ekonomisë.
Kompania kineze CWE përveç lirimit nga TVSH-ja, kërkon që edhe hidrocentrali i ndërtuar "Tikvesh" menjëherë të hyjë në projektin, në vend, sikurse që kërkonte qeveria, pasi ta ndërtojnë hidrocentralin "Çebren". Sipas një pjese të ekspertëve, oferta kineze e paraqitur në dhjetor të vitit të kaluar ishte e papranueshme. Kurse e papranueshme ishte që kompania CWE të lirohet nga TVSH-ja.
"Në përgjithësi i tërë plani i qeverisë për ta investuar hidrocentralin "Tikvesh" në konzorcium të ri është një gjë e tmerrshme. Shtrohet pyetja pse e japim hidrocentralin "Tikvesh" i cili çdo vit jep rreth 20 milionë euro rrymë, dhe athua në kompaninë e re do të kemi më shumë nga ajo rrymë dhe a do të marrim diçka plus nga ajo që e japim. Unë kam frikë se ky nuk do të jetë një rast", tha Atanasko Tuneski, ish-drejtor i MEPSO
Tuneski propozon që Qeverisë kompanisë kineze CWE dhe asaj greke PPC, t'iu japë afat për ti ndryshuar ofertat dhe pastaj në kushte të barabarta të zgjidhet më i miri. Ndërkaq ministri Saraçini thotë se në qoftë se kinezët nuk lëshojnë pe, atëherë në lojë hyjnë investuesit nga Katari. Ata kishin plan që ta ri-kapitalizojnë kompaninë ELEM, dhe kështu ta marrin hidrocentralin "Çebren", kurse përveç hidrocentraleve do t'i kenë në dispozicion edhe hotelet "Sllavia" dhe "Inex Gorica" në Kodrën e Diellit që janë të kompanisë ELEM. Me këtë praktikisht, përpos në energjetikë, investuesit e Katarit do të investojnë mjete edhe në turizëm. Verica Pavloska
