Ardhja e mërgimtarëve ka mbushur Tetovën. Ardhja e tyre ka bërë që të shtohet frekuentimi në rrugët e Tetovës, por me këtë edhe të shtohet dhe numri i aksidenteve në rrugë. Sa për ilustrim, vitin e kaluar vetëm gjatë muajve qershor dhe korrik, ka pasur gjithsej 67 aksidente nga vetura me targa te huaja, me çrrastë 57 prej tyre kanë përfunduar me dëme material, 7 me lëndime të lehta dy me lëndime të rënda dhe një që ka përfunduar me vdekje.
"Ajo që më së shumti vërehet gjatë këtyre dy muajve është pikërisht kjo, parkimi vend e pa vend dhe krimi I tollovisë në komunikacion edhe përkundër apeleve të shumta si nga SPB edhe nga Komuna e Tetovës".
Mërgimtarët pranojnë se të rinjtë jo-shumë iu përmbahen rregullave, por kërkojnë që edhe Tetova të sigurojë kushte pak më të mira.
"Ajo është dobësia jonë, duhet pak të angazhohemi në atë mënyrë që të ecim përpara, siç e kërkon vendi dhe rregulla. Vendin e gjetëm si e lamë vjet si me thanë, duhet njerëzit edhe këtu pak të angazhohen të punojnë".
"Shumë dobët është qyteti duhet parkingjet pastërtia rendi".
Sektori I Punëve të Brendshme i Tetovës, sot ka dalë me apel deri tek vozitësit, si të vendit ashtu edhe të mërgimtarët, që të respektojnë rregullat në komunikacion, që sa më tepër të evitohen parregullsitë dënimet dhe aksidentet.
Nga ana tjetër, tregtarët ankohen se ardhja e sivjetme e mërgimtarëve nuk ka ndryshuar gjë. Ata shprehen se, kriza me të madhe po vërehet edhe tek mërgimtarët të cilët aspak nuk janë me shpenzimet sikur vitet e mëparshme.
"Ti shumëzosh me zero, s'ka asgjë asnjë efekt hiç, krizë edhe atë e madhe është".
"Ne jemi përgatitur dhe I presim, deri tash nuk ka diçka pozitive ka interes por shihet kriza ekonomike edhe tek ata".
Fluksi më i madh i ardhjes së mërgimtarëve pritet pas datës 20 të këtij muaji. Bashkim Sulejmani
