Krokodili më i madh deri tani, është gjendur në Filipine. Krokodili që jeton në ujrat e njelmta, është i gjatë 6.17 metra dhe peshon më shumë se 1 ton. Ky krokodil i madh tani edhe zyrtarisht u fut në librin e rekordeve Gines si krokodili më i gjatë i parë deri tani. Krokodili i quajtur Lolong, ishte fajtor për vdekjen e një vajze dhe një peshkatari në qytetin Bunavan dhe ishte kapur vitin e kaluar në shtator, pas një gjahu tre javor. Kryetari i qytetit ku u gjet krokodili është i kënaqur me atë që krokodilin e kanë shënuar në librin e rekordeve Gines.
"Jemi të kënaqur dhe e respektojmë Lolongun, sidomos tani kur u bë shumë i njohur. Tani do kujdesemi më shumë për të", deklaroi Edvin Elorde, kryetarë i qytetit Bunavan.
Pasi kapjes, krokodili u bë atraksion i vërtetë për turistët. Përreth tij është ndërtuar i tërë parku. Autoritetet thonë se qindra njerëz e vizitojnë qytetin gjatë verës dhe se krokodili qytetit i kishte sjellë 2.5 milionë dollarë plotësues nga shitja e biletave. Bojana Simonoviq
