Ish Ragbistët nga Zelanda e Re luajtën polo me elefantë kundër skuadrës Audemars Piguet që janë kampionë në këtë disiplinë interesante. Ndeshja u luajt në Tajlandë me çka u shënua edhe hapja e turneut 5 ditor në polo me elefantë. Në turne marrin pjesë 16 ekipe, ndërsa çdo ekip për shkak të madhësisë së elefantëve, përbëhet prej tre lojtarë. Luhet me top standard për polo, me rregulla të njëjta. Të ardhurat nga turneu derdhen në fondin për përkujdesjen e elefantëve në Tajlandë.
"Qëllimi është të grumbullohen mjete për elefantët në Tajlandë. Deri më tani kemi grumbulluar shumë para nga kjo ngjarje dhe ato i dedikohen elefantëve", tha Xhejms Menklark, kryetar i asociacionit botëror në polo me elefantë.
Audemars Piguet që përsëri fitoi me rezultat 11:7 është ekipi më i njohur që garon në polo me elefantë në Tajlansdë. Themeluesi i saj Kristofer Staford këtë sport në Tajlandë e solli në vitin 2001. Sipas pjesëmarrësve, loja fare nuk ka qenë e lehtë.
"Vërtetë ishte e vështirë. As që e kam paramenduar se do jetë kështu. Vërtetë është vështirë, gjithashtu kur përpiqesh ta godasësh topin është shumë nxehtë. Por, megjithatë, nuk është edhe aq keq", u shpreh Çarls Riçelman, pjesëmarrës.
Pas ndeshjes, elefantëve si shpërblim u jepen ananas, banane, papaja, pemë dhe perime tjera. Turneu 5 ditor në polo me elefantë mbahet në Hua Hin në afërsi të Bankokut dhe përfundon të dielën. Bojana Simonoviq
