17 mijë të rinj sot filluan vitin e ri akademik, por kjo ditë ishte nën hijen e reagimeve për lutjen që u bë në Fakultetin e teologjik ortodoks me të cilën dje u shënua viti i ri akademik. Sipas profesorit të filozofisë së religjionit, Lubomir Cucullovski ky veprim nuk ka qenë në rregull sepse Maqedonia është shtet multi- fetar, kështu që nuk duhet t'I jepet përparësi vetëm një religjioni
"Është bërë gabim katastrofal pasi harrojnë se edhe vetë maqedonasit janë të ndarë në bazë fetare, ndërsa një pjesë e konsiderueshme e tyre nuk janë besimtar. Shkelet parimi i sekularizmit, sepse sipas Kushtetutës shteti dhe kisha janë të ndara dhe kjo nuk është shpikje specifike e jona, këtë e ka edhe në Bibël", tha Lubomir Cucullovski, profesor.
Mendimet e studentëve për fillimin e këtillë të vitit akademik janë të ndryshme.
"Nuk pajtohem. Unë jam i krishterë ortodoks, por i respektoj edhe religjionet tjera, kështu që nuk pajtohem me këtë".
"Pse jo, kjo sipas meje është punë e mirë".
Reaguan edhe nga shoqata e studentëve "Indeksi i lirë" të cilët nuk pajtohen me përzierjen e kishës në punët e universitetit, si dhe nga lëvizja për të drejta sociale "Lenka" prej ku thonë se vendi i punonjësve universitar është në fakultet, e jo në procese ceremoniale të cilit do religjion. Ndryshe, sipas të dhënave nga Ministria e arsimit këtë vit akademik ka rritje të numrit të studentëve të ri të regjistruar në programet studimore nga fusha e shkencave teknike dhe natyroro- matematike. Bojana Simonoviq
