Kompanitë që duan të ndërtojnë centrale diellore në Maqedoni për prodhimin e energjisw tani për tani nuk mund të marrin licenca. Komisioni rregullator i energjetikës e stopoi dhënien e lejeve për këtë biznes sepse ishte tejkaluar limiti. Ministria e Ekonomisë tash më ka kërkuar nga Qeveria që të rritet kapaciteti i investimeve në këto centrale, por për shkak të prioriteteve tjera kjo është lënë për në tetor, thotë Saraçini.
"Një periudhë të gjatë ka përgatitur iniciativën për të zmadhuar limitin e dhënies së licencave në sferën e investimeve në energjinë solare, apo centralet foto-voltaike dhe gjithë procedura është në shqyrtim e sipër në qeveri dhe nga konkluzioni i fundit i marrë në mbledhjen e qeverisë Ministria e Ekonomisë duhet përsëri të përgatisë një plan një elaborim se si do të rrjedhin investimet ën energjinë solare apo ën centralet fotovoltaike dhe ët njëjtën do ta bëjmë gjatë dy javëve të para në muajin tetor me qëllim që të risim kapacitetin e investimeve në këtë fushë, prej 10 mega në 20 mega. Besoj që kjo iniciativë do të pranohet shumë shpejtë nga ana e ministrisë së ekonomisë dhe në të ardhmen do mundemi të bëjmë edhe investime në këtë fushë, duke pasur parasysh shumica e investitorëve kaën shprehur gatishmëri ëpr të investuar në fushën e centraleve fotovoltaike", deklaroi Valon Saraçini, ministër i ekonomisë.
Investime në burimet e ripërtërishme, por edhe në projekte për efikasitet energjetik po bëhen gjithnjë e më atraktive si për kompanitë ashtu edhe për qytetarët. Nga Ministria e Ekonomisë përkujtuan se me investimin në kolektorë diellor në vit kursehen 13 000 denarë kurse investimi i përgjithshëm është 36. 000 denarë, që do të thotë se kthehet për 3 vjet. Natasha Stojanovska
