Ministri i Jashtëm grek, Dimitris Avramopulos përmes një letre drejtuar kolegut të tij maqedonas Nikolla Poposki, kërkon firmosjen e një memorandumi për mirëkuptim mes Greqisë dhe Maqedonisë. Në Memorandumin për mirëkuptim të përgatitur nga Athina zyrtare kërkohet që të dyja palët të respektojnë integritetin territorial të shteteve të tyre, të mos kenë pretendime territoriale dhe të përmbahen nga veprimet që mund të nxisin urrejtje dhe armiqësi mes dy popujve. Për sa i përket çështjes së emrit Avramopulos kërkon që secili propozim rreth emirit të ri të dalloj të qartë mes territorit të Maqedonisë dhe rajonit të Maqedonisë në Greqinë Veriore dhe që ai të jetë definitiv dhe për përdorim të përgjithshëm.
"Ne pajtohemi që me qëllim të dhënies së një impulsi të ri negociatave nën patronazhin e Sekretarit të përgjithshëm të OKB-së, duhet të veprohet në bazë të marrëveshjes së arritur për parametrat bazik të zgjidhjes, se cilido propozim duhet të përfshijë përcaktim të qartë dhe definitiv për emrin, që nuk do të lë paqartësi për sa i përket dallimit mes territorit të IRJM-së dhe rajoneve të shteteve fqinje, veçanërisht të rajonit të Maqedonisë në Greqinë veriore, dhe se emri për të cilin do të merremi vesh do të përdoret nga të gjithë erga omnes dhe për të gjitha qëllimet", qëndron në memorandumin e propozuar nga Ministri i Jashtëm grek.
Shefi i diplomacisë greke gjithashtu në letrën e tij thekson se kjo iniciativë do të paraqet hapin vendimtar drejt përforcimit të marrëdhënieve të mira ndër-fqinjësore, të bazuar në rezolutën rreth çështjes së emrit dhe për perspektivën evropiane të Maqedonisë.
"Duke pasur parasysh nevojën për përmirësimin e mëtejshëm të marrëdhënieve mes dy shteteve tona në të gjitha nivelet, propozimi përfshin parimet e përgjithshme për zhvillimin e marrëdhënieve të mira ndër-fqinjësore, respektimi i të cilëve është thelbësor në përpjekjet tona për përforcimin e paqes, prosperitetit dhe mirëkuptimit të ndërsjellë në rajonin tonë. Jam i sigurt se do të pajtoheni me mua, koleg i nderuar, se e kemi për obligim, që bisedimeve rreth emrit t'i qasemi me vullnet të mirë dhe konstruktivitet. Arritja e zgjidhjes së përbashkët për këtë çështje disavjeçare padyshim se do të çonte drejt normalizimit të marrëdhënieve tona dhe përmbushjes së aspiratave të popujve tonë", thekson ndër të tjera ministri i jashtëm grek në letrën drejtuar Poposkit.
Nga ana tjetër zëdhënësi i Qeverisë Aleksandar Gjeorgiev, konfirmoi se Poposki ka pranuar letrën e kolegut të tij grek Avramopulos, dhe se po e shqyrton atë.
"Mund të konfirmoj se letra e Ministrit grek Avramopulos është pranuar nga Ministri i Jashtëm Nikolla Poposki. Ajo do të shqyrtohet me vëmendje të madhe dhe seriozitet", theksoi Aleksandar Georgiev, zëdhënës i Qeverisë.
Letra e Ministrit të Jashtëm grek pason një javë pas takimit dypalësh në Nju Jork mes Poposkit dhe Avramopulos, takimit të tyre me Sekretarin e Përgjithshëm të OKB-së Ban Ki Mun dhe ndërmjetësit në çështjen e emrit Metju Nimic si dhe v...
