Mjekët nuk tërhiqen nga greva tjetër e përgjithshme për më 14 nëntor. Sindikata a Pavarur e Qendrave të Klinikave mori vendim dhe ia dërgoi Ministrisë së Shëndetësisë, drejtorëve të spitaleve dhe Qeverisë, se nga mesi i nëntorit, në orën 7:30 të mëngjesit, do të përfshihen në grevë të përgjithshme që do të zhvillohet në vendet e tyre të punës. Ata do të pranojnë vetëm rastet urgjente, thuhet në vendimin e Sindikatës të pavarur.
"Gjatë grevës do të anulohen të gjithë pacientët e lajmëruar nga lista e pritjes për termine të tjera, pas përfundimit të grevës së përgjithshme, kurse nga lista do t'iu ofrohet mbrojtje shëndetësore vetëm pacientëve për të cilët do të vërtetohet se tek ata nuk mund të anulohet dhënia e mbrojtjes shëndetësore pasi bëjnë pjesë në grupin e pacientëve me gjendje të rrezikuar për shëndetin e tyre".
Për Ministrin e Shëndetësisë Nikolla Todorov vendimi për grevë nuk është ultimatum i ri. Ai është i njohur me të, dhe sipas tij, nuk janë marrë masa të caktuara juridike. Megjithatë ministri nuk kërcënoi me padi penale, për paditjen për herë të dytë të grevës së mjekëve.
"Shoh se tani po merret përsëri vendim i njëjtë dhe kam frikë se mos bëhet i njëjti gabim, nëse nuk merren parasysh ose nuk respektohen aspektet e caktuara juridike, por për këtë punë do të bisedojë personalisht me sindikatën dhe nuk dëshiroj kështu përmes mediumeve", deklaroi Nikola Todorov, ministër i shëndetësisë.
A mendoni përsëri për padi?
"Do të bisedojë me sindikatën. Nuk dëshiroj përmes medieve dhe në këtë mënyrë të ulet besimi dhe dy palët të largohen", u përgjigj Nikola Todorov, ministër i shëndetësisë.
Përpjekja e parë për grevë të përgjithshme të mjekëve në organizimin e sindikatës së pavarur të Qendrës Klinike përfundoi pa sukses pasi ajo u ndalua me vendim të gjykatës, pas ngritjen e padisë nga Ministria e shëndetësisë se greva nuk ishte është organizuar sipas ligjit. Mjekët kërkojnë rritjen e pagave, ndryshimin e modelit të pagesës sipas kontributit dhe respektim të profesionit të tyre nga Ministria e shëndetësisë dhe Fondi i Sigurimit shëndetësor. Bojana Simonviq
