Grevës së mjekëve-specialistë sot iu bashkëngjitën edhe mjekët e spitalit të qytetit "8 Shtatori" dhe nga spitali psikiatrik "Bardovcë". Kjo është dita e tretë, të cilën mjekët vazhdojnë të dalin në grevë, megjithë kërcënimet dhe presionet për shkarkime nga puna.
"Duam t'i informojmë pacientët tanë që nuk kanë nevojë urgjente shëndetësore të mos vijnë derisa nëpërmjet mediave nuk i informojnë se greva ka përfunduar. Do të përsërisë, të gjitha rastet urgjente do të trajtohen dhe nuk do të lejojmë të dëmtohet shëndeti i pacientëve", tha Dr. Antonio Antovski, këshilli grevist "8 Shtatori".
Ndërkohë, sindikata e pavarur e Qendrës Klinike tashmë tre ditë me radhë po bën grevë. Nga atje thonë së siç po kalojnë ditët, ashtu po rriten edhe presionet ndaj vendimit të tyre. Megjithatë, mjekët shprehen se megjithë kërcënimeve, ata janë të gatshëm të shkojnë deri në fund për t'i realizuar kërkesat e tyre për ndryshimin e modelit të pagesës për kontribut dhe për rritjen e pagave.
"Presioni mbi mjekët shkaktohet në të shumtën e rasteve nga menaxherët dhe drejtorët e tyre, e kjo dukuri më së tepërti është shprehur nëpërmjet lëshimit të listave të ndryshme. Ditën e parë kishim lista për firmosje të lëshuara në mënyrë të paligjshme, kush është për grevë apo kush bën grevë, sërish sot kemi lista
kush është kundër grevës, ndërsa prej të hënës presim lista për të përmbajtur", u shpreh Dr. Dejan Stavriq, kryetar i sindikatës së Qendrës Klinike.
Nga sindikata e pavarur e Qendrës Klinike informuan se këtë fundjavë do ta shfrytëzojnë për takime me përfaqësi të ndryshme diplomatike dhe organizata që kanë shprehur interesim për të mësuar diç mëtepër për problemin e tyre, ndërsa me informacione më të reja për grevën do të dalin të hënën që vjen.
Bojana Simonoviq
