Vazhdon loja e ping-pongut rreth asaj nëse ka apo jo fonde nga buxheti për Branitellat. Ministri i Financave, Zoran Stavrevski sot hodhi posht pohimet e një dite më parë të kolegut të tij, Valon Saraçini se para për përmbushjen e beneficioneve të premtuara për 'branitellat' nuk ka dhe nuk kanë për tu gjetur asnjëherë. Stavrevski edhe njëherë përësëriti qëndrimin e tij se në rast të miratimit të ligjit, Qeveria gjegjësisht shteti, do të shfrytëzojë rezervat e buxhetit dhe me këto mjete defakto do të përmbush të gjitha premtimet e VMRO-DPMNE-së.
"Unë si Ministër i Financave mund të konfirmojë atë që kam deklaruar se pjesa më e madhe e ndihmës dhe mënyra e përkrahjes së familjeve të 'branitellave' do të bëhet nëpërmjet sigurimit të ndihmave në forma të ndryshme, që ata të vijënë deri tek një banesë ose regjistrimi falas i fëmijëve të tyre nëpër fakultete, familjarët e tyre të shfrytëzojnë shërbimet mjekësore papagesë dhe ngjashëm. Në buxhetin e Maqedonisë ekzistojnë rezerva me të cilat mund të intervenohet në rast të nevojës dhe në këtë drejtim ishte edhe përgjigja ime dhe qëndrojë pas asaj që e deklarojë", deklaroi Zoran Stavrevski, Ministër i Financave.
Ndërkohë dje, Ministri i Ekonomisë, Valon Saraçini për dallim nga kolegu i tij, Zoran Stavrevski tha se para për 'branitellat' nuk ka, dhe nuk kanë për t'u gjetur asnjëherë, të paktën për vitin 2013.
"Nuk dua të komentojë deklaratat e ministrit Stavrevski. Atë që unë nga perspektiva ime mund të them është që para për 'branitellat' për vitin e ardhëshëm, në propozim-buxhetin nuk ka dhe nuk do të ketë. Të lëmë dhe të shohim se çka do të ndodhë në të ardhme dhe se si kjo mënyrë do të mund të menaxhohet nga të dyja palët.Ajo që edhe njëher dua të potencojë është se në propozim-buxhetin e vitit 2013 nuk ka", tha ditë më parë Valon Saraçini, Ministër i Ekonomisë.
Rikujtojmë se deklaratat e tilla të Ministrit të Ekonomisë dhe atij të Financave Stavrevski e Saraçini vijnë pas zërave të lëshuar nga opozita se propozim-buxheti për vitin 2013 nuk parashikon mjete për ish branitellat. Valmir Kuçi
