Sindikata e Pavarur e Qendrës Klinike paralajmëroi sot se do të ngris padi ndaj Klinikës për Radiologji dhe Dermatovenerologji meqë sipas tyre, janë regjistruar parregullsi gjatë pagesës së pagave. Sipas sindikalistëve, presion për të ndërprerë grevën është ushtruar pikërisht përmes pagesës së të ardhurave mujore.
"Presionet janë të pranishme kudo, ne të shtunën ishim në Shtip, atje nuk ka heqje dorë nga greva. Mjekët janë mashtruar se doemos duhet të nënshkruajnë për të marrë pagën, gjë që nuk është e vërtetë, kishim takim dhe kjo u sqarua ashtu që edhe spitali klinik në Shtip mbetet në grevë", tha Dejan Stavriq, kryetar i Sindikatës së Pavarur të Qendrës Klinike.
Ministria e Shëndetësisë gjatë fundjavës u dorëzoi drejtorëve të institucioneve publike shëndetësore një listë të pikave me koeficiente të peshës që përdoret për intervenime dhe procedura mjekësore në SHBA. Është propozuar që koeficientet e këtilla të vendosen në sistemin e pagesës në Maqedoni. Është kontraktuar që vërejtjet eventuale, mjekët t'ia dorëzojnë Ministrisë së Shëndetësisë. Disa drejtorë tashmë e kanë prezantuar sistemin para kolegëve të vetë, e në mesin e tyre është edhe Klinika e Psikiatrisë.
"Tre kolegët tanë formuan një grup punues i cili duhet të sheh se çka ai sistem ofron dhe çka të japim ne në atë sistem në afat prej 5 ditësh, ti japim kërkesat, vërejtjet tona, plotësimet edhe eventualisht ndryshimet. Tani për tani nuk dimë se çka përmban ai sistem, kështu që nuk mundemi diçka më konkretisht të themi", tha Kadri Haxhihamza, specialist psikiatër.
Nga Sindikata e Pavarur e Qendrës Klinike paralajmëruan se propozimet e tyre për korrigjimin e modelit do t'i dorëzojnë të mërkurën. Bojana Simonoviq
