Tetë muaj pas ndërrimit të emrave të dy shkollave në Dibër me vendim të Këshillit komunal të Dibrës, Inspektorati Shtetëror i Arsimit ka kërkuar nga drejtoria e Shkollës Fillore 'Penestia' ish 'Bashkim Vëllazërimi' dhe drejtoria e Gjimnazit '28 Nëntori' ish 'Zdravko Çoçkovski' që të kthejnë tabelat me emrat e vjetër të shkollave pasi në të kundërtën do të gjobiten deri më 400 mijë denarë. Sipas Inspektoratit Shtetëror të Arsimit një vendim i këtillë është miratuar pasi janë konstatuar shkelje të ligjit për Arsim Fillor.
"Sipas përcaktimeve të nenit 174nga Ligji për Arsim Fillor ju propozojmë procedurën për heqjen e të tabelave me emrat e rinj. Nëse dakordoheni me këtë propozim, gjoba do të përgjysmohet dhe do tu jepet fletë pagesë për të paguar gjobën në afat prej 8 ditësh".
Por, Kryetari i Komunës së Dibrës, Argëtim Fida thotë se kërkesa e Inspektoratit nuk do të realizohet asnjëherë pasi Këshilli Komunal ka respektuar të gjitha procedurat dhe me parimin Badenter ka miratuar vendimet për ndërrimin e emrave të shkollave.
"Disa struktura në Shkup akoma nuk e kanë të qartë se në një qytet ku vetëm20 nxënës, në të gjitha institucionet janë maqedonas, pra një minoritet i tejskajshëm, akoma nuk është reale që emrat ku shumica dërmuese janë të popullatës me përkatësi etnike shqiptare, akoma të mbajnë ato emra tëmonizmit të cilat na përkujtojnë vetëm vuajtjet, jo-barazin dhe diskriminimin ndajë shqiptarëve", tha Argëtim Fida, kryetar i Komunës së Dibrës.
Nga Ministria e Arsimit dhe Shkencës nuk deshën të prononcohen rreth rastit në fjalë edhe përkundër insistimit të Televizionit ALSAT-M. Rikujtojmë se vendimi për ndryshimin e emrave të Shkollës Fillore 'Penestia' dhe Gjimnazit '28 Nëntori' ka kaluar me votat sipas parimit të shumicës së Badenterit, duke marrë edhe votat e të gjitha bashkësive etnike jo-shqiptare në mbledhjen e datës 24 prill2012 të Këshillit Komunal të Dibrës. Valmir Kuçi
