Ndryshimet në Ligjin për Marrëdhënie Pune, që u shpallën sot nga Qeveria, parashikojnë punësim më të thjeshtë, më të shpejtë dhe më të lehtë të punëtorëve sezonal. Me ndryshimet e tilla, si punëtorë sezonalë do të mund të angazhohen edhe përfituesit e ndihmës sociale, pa e humbur të drejtën për asistencë sociale, kurse punëdhënësit do të mund t'i regjistrojnë dhe çregjistrojnë punëtorët, brenda një dite, pa shumë procedura.
"Do të mundësohet punësim i personave që marrin ndihmë sociale, pa e humbur të drejtën e ndihmës sociale. Tani, ata që përfitojnë ndihmë sociale do të mund ti angazhojmë, duke mos e humbur të drejtën, sepse më parë kjo ishte një nga bazat pse këta njerëz nuk paraqiteshin në entin e punësimit", deklaroi Vladimir Peshevski, zëvendëskryeministër për Çështje Ekonomike.
"Ata në momentin kur do të nënshkruajnë kontratë për punë sezonale, do t'iu vihet në pritje shfrytëzimi i ndihmës sociale në para. Pas përfundimit të periudhës për të cilën janë angazhuar sezonalisht, ata duhet të paraqiten në qendrën përkatëse të ndihmës sociale për ndërprerjen e kontratës së punës sezonale, me të cilën do të konfirmojnë se, në periudhën e kaluar kanë qenë të angazhuar si punëtorë sezonalë, ku kanë realizuar të ardhura përkatëse", tha Spiro Ristovski, ministër i Punës dhe Politikës Sociale.
Autoritetet theksojnë se, në të njëjtën ditë kur përfituesit e ndihmës sociale do ta përfundojnë punën sezonale, ata do të mund të vazhdojnë të shfrytëzojnë asistencën sociale. Ndryshime janë bërë edhe në punës sezonale, për të cilën nuk nevojitet më njoftim publik deri në 90 ditë, kurse koha e punës në provë, zgjatë vetëm 3 ditë. Në vitin 2012, nga janari deri në nëntor, për 11 muaj kanë qenë të angazhuar si punëtorë sezonalë 102.670 persona. Bojana Simonoviq
