Procesi gjyqësor 'Monstra' ka vazhduar sot me tre dëshmitarë të përkatësisë rome, të cilët thonë se natën e 12 prillit kur kishte ndodhur vrasja e pesëfishtë kanë qenë në liqenin e Smillkovës për peshkim. Ahmet Bekir, Bajram Memedov dhe Nesim Kemal, dëshmitë e tyre i kishin kontradiktore me të dhëna diametralisht të kundërta nga ajo që e kanë dhënë në hetuesi, tha avokati Naser Raufi. Dëshmitarët thanë se tek liqeni i Smillkovës kishin shkuar rreth orës 16 për peshkim dhe në momentin që kishin dëgjuar siç thonë ata të shtëna, kishin vendosur të kthehen në shtëpi. Dëshmitë kontradiktore të tre romëve fillojnë këtu. Njëri thotë se në rrugë për në shtëpi janë ndaluar nga një person i armatosur, e tjetri thotë se nuk ka qenë vetëm një, por ka pasur më tepër se katër persona. Por ajo që dëshmitarët theksojnë është fakti se personi i armatosur që i kishte ndaluar ata, në gjuhën maqedonase ishte prezantuar si polic. Nesim Kemal në dëshminë e tij tha:
'Kam dëgjuar të shtëna të njëpasnjëshme dhe duke shkuar për në shtëpi, vërejtëm viktimat dhe më pas doli një person i armatosur në rrugë, ndërsa prapa tij ishin edhe katër ose pesë persona tjerë. Personi i armatosur u prezantua si polic".
Edhe dëshmitari tjetër Bajram Memedov tha se është ndaluar nga personi i armatosur, por për dallim nga dëshmitari tjetër, Memedov tha se personi i armatosur ka qenë vetë dhe kur i ka ndaluar u është prezantuar si polic:
"Unë isha rreth 50 metra larg shokëve të mi, nuk i kam parë kur kanë ardhur të rinjtë me veturë të bardhë. Por duke u kthyer në shtëpi, në rrugë na doli një person i armatosur, ai u prezantua si polic. Ai ishte vet dhe pa maskë".
Dëshmitari tjetër Ahmet Bekir kujton momentin kur pasi kishin shkuar tek liqeni, pas tyre kishin ardhur katër djem të rinj:
"Erdhën katër djem të rinj, ishin me veturë të bardhë, dhe u ofruan tek ne na kërkuan bukë për të zënë peshq. Nga momenti që i dhamë ushqimin, ata u larguan dhe më nuk i pamë. Më vonë kam dëgjuar të shtëna dhe në momentin kur por largoheshim, para nesh doli një person i armatosur i cili tha se është polic".
Në pyetjen e avokatëve nëse ndonjëri prej personave që ishin aty si të akuzuar ka qenë personi i armatosur që u ka dalë atë mbrëmje, tre dëshmitarët veç e veç ishin kategorik se asnjëri prej personave të akuzuar nuk ka qenë personi i armatosur apo ndonjëri prej grupit të tij.
"Dëshmitë ishin kontradiktorë me arsyetimin se njëri thotë se ka parë vetëm një person me armë, me pushkë automatike, kurse tjetri thotë se ka parë 4 ose 5 vetë. Thonë që këto persona janë prezantuar si policë, kanë pasur pancirë dhe për ne që është me rëndësi prej deklaratave të atyre, asnjë prej tyre dëshmitarëve nuk thotë se ka parë personat natën e deliktit. Edhe çështja e kohës është kontradiktore, njëri person thotë se kjo ndodh pas orës 20 -- 20:30 tjetri thotë pas orës 18:30 edhe kjo është kontradiktore. Sa i përket ngjarjes dhe krimit thanë se nuk kanë pa asgjë për krimin por vetëm ka dëgjuar rafalët e pushkëve automa...
