U realizuan parashikimet e meteorologëve amerikanë. Verilindjen e Shteteve të Bashkuara të Amerikës , e goditi stuhia e madhe e borës që pritet të arrijë përmasa historike. Kryebashkiaku i Nju Jorkut, Majkëll Bllumberg, i paralajmëroi qytetarët të mos dalin jashtë pa nevojë dhe të mos nisen në udhëtime. Në shtetin federal, Masaçusets, sot nuk punojnë shkollat, kurse janë anuluar më shumë se tre mijë fluturime. Banorët e Bostonit tashmë janë furnizuar me rezerva më të mëdha ushqimore dhe pajisje shtesë dimërore.
"Bleva lëng për lyerjen e çatisë. Thonë se është e mirë dhe nuk lejon që bora të ndalet në çati. Bleve edhe një kuti me qirinj dhe llambë me bateri. Thash, është mirë që stuhia na goditi këtë fundjavë, kur jemi në shtëpi dhe mund shpejt të reagoj nëse shkaktohet ndonjë problem", tha një banor i Bostonit.
"Ky është një pazar urgjent. Më tepër blemë bukë dhe qumësht, dhe ja bleva edhe një lopatë. Të gjendet nëse thyhet ajo që e kemi", u shpreh një tjetër banor i Bostonit.
Meteorologët parashikojnë që shtresa e borës të arrijë 70 centimetra, ndërsa njoftuan se situata më kritike do të jetë gjatë ditës së nesërme, për kur priten erëra me shpejtësi më të mëdha se 100 kilometra në orë. Petar Bllazhevski
