Pas tragjedisë së një dite më parë që ndodhi në pikën e grumbullimit të mbeturinave "Drislla" ku humbi jetën 48 vjeçari Avdil Baftjari, drejtori i Ndërmarrjes Publike 'Drislla' Goran Angellov në linjë telefonike për Alsat M, tha se drejtoria pret fjalën e fundit të hetimeve për drejtuesin e buldozerit. Angellov gjithashtu paralajmëroi se pas incidentit tragjik është shtuar sigurimi në këtë pikë të grumbullimit, me qëllim për të parandaluar hyrjen e personave të pa autorizuar në territorin e "Drisllës' në bashkëpunim me policinë.
"Për të do të bëhet hetim zyrtar nga organet hetuese dhe mendoj se sot është shumë herët të thuhet diçka, dje kishte hetime nëse ka qënë nën ndikimin e alkoolit ku dëshmua se nuk është nën ndikimin e alkoolit, sigurisht edhe ai ëhstë shumë tronditur, është humbur një jetë njeriu. Me kalimin e kohës hetimet do të tregojnë se çfarë pëgjgjësie do të bartë i njejti", tha Goran Angellov , drejtor i deponisë "Drislla".
Angellov shprehu keqardhje familjes së viktimës Avdil Baftjari, duke shtuar se drejtoria ka ndihmuar familjen e viktimës me 2 mijë euro për ceremoninë e varrimit. Ai paralajmëroi se ekipi menaxhues i ndërmarrjes publike do të ndihmojë familjen Baftjari me një shumë të caktuar parash për të cilën do të vendoset ditëve në vijim.
"Ne i kemi shpreh ngushëllime familjes, njerëzit tanë ishin edhe dje atje. Ne sot caktuam një shumë të caktuar të njëhershme për shpenzimet e varrimit për personin e ndjerë por kuptuam se i njejti ka 4 fëmijë të mitur, besoni se të gjithëve na preku kjo ngjarje pa marrë parasysh se ai nuk ishte i punësuari ynë, por sërish ai është fqiu ynë nga Batinca për shkak se ne jemi në këtë teritor. Ekipi menaxhues i 'Drisllës'vendosi që financiarisht ti ndihmojë asaj famije, ndërsa për shumën plotësishtë do të jeni të caktuar por ne ndjejmë keqardhje si njerëzore ashtu edhe prindërore për shkak se të gjithë ne jemi prindër të fëmijëve kështu që Deponia Drislla nuk do të mbetet pa përgjegjësi edhe kundër asaj se personi është futur në mënyrë të pautorizuar në teritorin tonë, ne teritorin e deponisë Drisllapa leje në këtë deponi", tha Goran Angellov, drejtor i deponisë "Drislla".
Angellov tha se për këtë vit është planifikuar ndërrim i gardhit me çelik në lartësi prej 2.5 metra, për të parandaluar hyrjen e personave të pa autorizuar. Në pikën e grumbullimit të mbeturinave Drislla dje aksidentalisht humbi jetën 48 vjeçari Avdil Baftjari nga fshati Batincë, derisa po grumbullonte shishe të plastikës për të siguruar ekzistencë për familjarët e tij. Baftjari pas vete ka lënë katër fëmijë jetimë Sadeten 14 vjeçare, Senatin 12, Bejtullaun 10 dhe Beharin 5 vjeçar. Melihate Rustemi
