Me vargjet e këngës "Valsi i dashurisë" nga Vaçe Zela, ylli i ri i estradës shqiptare Kanita Suma përshëndeti dhe falënderoi gjithë ata që votuan dhe mbështeten konkurimin e saj në X Factor Albania që po mbahet prej disa javësh me radhë në Shqipëri. Me zërin e saj të veçantë në këtë moshë kaq të re, Kanita arriti të rrëmbente zemrat e shumë njerëzve duke mbërritur deri në gjysmëfinalen e X Factorit, për t'u s'kualifikuar këtë fundjavë. Ajo madje tha se meritat i takojnë edhe mentorit të saj, skenaristit të njohur Pandi Laço. Këto vlerësime, diva e vogël i bëri gjatë takimit të saj me kryeatrin e Komunës së Çairit, Izet Mexhiti.
"Dua të falënderoj gjithë Komunën e Çairit që më mundësoi të vij këtu dhe përshëndes kryetarin e Komunës, Izet Mexhiti dhe falënderoj të gjihë Shkupin, Maqedoninë që më ndihmuan të marrë të gjitha ato vota që unë të jem deri në gjysmë finale..Njoftova shumë shoqe dhe shokë të rinj por edhe desha të vij këtu se edhe këtu kisha lënë shumë gjëra mbrapa dhe nuk u mërzita aq shumë sepse nuk ishte edhe pak që mbërrita deri aty dhe do të vazhdojë edhe më tej..Ishte shumë kënaqësi e madhe të punoj me Pandin, ishte një mentor i mrekullueshëm për mua. Pandi ishte shumë i mirë", tha Kanita Suma, këngëtare.
Ndërkohë kryetari i Çairit, Izet Mexhiti tha se ka nderin që ditën e parë të mandatit të tretë ta fillojë me arritjet e këngëtares Kanita Suma.
"Dita e parë, takimi i parë në mandatin e tretë deshta ta fillojë me kulturën duke promovuar edhe një herë se prioritet mbi të gjitha do të jetë arsimi dhe kultura dhe këtë takim e bëj me Kanita Sumën e cila më është yll dhe është në çdo shtëpi tonën, në do familje tonën të cilët e kanë përcjell me mbresa të mëdha dhe me shqetësime gjatë konkurrimit por ajo që është më rëndësishme është që pa pritur është një befasi për shqiptarët në përgjithësi, për Shkupin në veçanti, një yll që ka dal në sipërfaqe. E ftova për ta taku, për ta falënderuar për gjithë ato kënaqësi që na i ka mundësi gjatë këtyre muajve dhe njëkohësisht për të siguruar që do të ketë mbështetjen e komunës dhe institucioneve, Kanita dhe gjithë të tjerët që na përfaqësojnë me dinjitet kulturën shqiptare", deklaroi Izet Mexhiti, kryetar i Komunës së Çairit.
"Kjo është një eksperiencë e mirë për vajzën time, deri këtu ka mbërritur, besoj që në të ardhmen kjo do të tregojë suksese më të mëdha se ka talent të cilin ja ka dhënë Zoti dhe shpresoj që së bashku me Emin Gaxhën do të mundohemi në të ardhmen ta kultivojmë edhe më tepër edhe më mirë", tha Zulkani Suma, babai i Kanitës.
Nga Komuna e Çairit, Kanita doli edhe me një dhuratë simbolike. Ajo paralajmëroi se në koncertin më të ri në parkun e Çairot, pas dy javësh, ajo do të marrë opjesë dhe do të falendërohë nga afër mbështetësit e saj. Melihate Rustemi
