Tatimet që paguajnë qytetarët e Maqedonisë kanë rritur numrin e turistëve që vizitojnë vendin. Sipas Ministrisë së Ekonomisë, për shkak të aplikimit të subvencioneve për operatorët turistikë, për vetëm një vit është rritur numri i të huajve që pushojnë në Maqedoni. Shifrat thonë se vitin e kaluar në krahasim me vitin 2011 ka pasur 30 mijë turistë të huaj më shumë. Nëse dy vitet e fundit krahasohen me vitin 2010, numri i të huajve është më i madh për 100 mijë.
"Të jem i sinqertë, subvencionet luajnë rol të rëndësishëm në pjesën e nënshkrimit të marrëveshjes me tur-operatorët. Ndoshta kjo është edhe arsyeja kryesore për shkak se kemi rritje të madhe të numrit të turistëve në vendin tonë. Nëse nuk do të ishin subvencionet të cilat i disponojnë tur-operatorët dhe me të cilët kemi nënshkruar marrëveshje, besoj se numri i turistëve do të ishte nga niveli i vitit 2010 ose nuk do të kishte rritje të 100 mijë turistëve që i kemi në vitin 2012", tha Valon Saraçini, ministër i Ekonomisë.
Shteti vitin e kaluar për të huajt ka ndarë 780 mijë euro, ndërsa sivjet do të ndajë thuajse një milionë euro. Ministri Saraçini thotë se këto para shtetit i do ti ktheheh shumëfishë. Të hyrat vitin e kaluar kanë qenë 233 milionë dollarë, ndërsa shpenzimet 110 milionë, që do të thotë se shtetit i kanë mbetur 122 milionë. Me rritjen plotësuese të buxhetit për sivjet prej mbi 200 mijë euro nga ekonomia, planifikohet të dërgohen turistë edhe në Strugë. Megjithatë, paratë që shteti i ka borxh si subvencione, tek tur-operatorët ende nuk janë realizuar në tërësi. Agjencia për mbështetje dhe zhvillim të turizmit e cila duhet t'i paguajë paratë, ende është duke analizuar numrin më të madh të kërkesave.
"Janë paguar mbi 30 për qind, për një javë do të paguhen 70 për qind, ndërsa deri në fund të prillit do të paguhen të gjithë 60 milionët që janë parashikuar me buxhetin e sivjetshëm", u shpreh Jordan Trajkov, Agjencia për promovim dhe turizëm.
Sipas Ligjit, nuk ka afat se deri kur duhet të paguhen subvencionet. Ndryshe, përveç vendeve të deritanishme prej ku subvencionoheshin turistët, Ministria e Ekonomisë e zgjeroi listën me 15 shtete të reja. Goran Temenugov
