VMRO DPMNE nëpërmjet mediave të afërta me të ka filluar fushatën kundër SHBA-ve, NATO-s dhe Bashkimit Evropian. Kështu ka thënë mbrëmë ish diplomati Nano Ruzhin në emisionin 'Rruga drejtë...' në Alsat M. Ndërkohë, që fushatë e tillë nga anëtarë të VMRO DPMNE-së vërehet edhe nëpër rrjetet sociale. Ish zëdhënësi i qeverisë, Martin Martinoski përmes rrjetit social Facebook ka tentuar që Departamentin e Shtetit Amerikan ta paraqesë si jo relevant për notimin e demokracisë dhe gjendjen e të drejtave të njeriut nëpër botë.
"Raportet e Departamentit të Shtetit për të drejtat e njeriut dhe demokraci nëpër botë janë të njohura. Dikujt i pëlqejnë e dikujt jo. Por, kjo tani nuk është me rëndësi. Më intereson, kur tashmë flitet për të drejta themelore të njeriut, a ka raport se çfarë po ndodh në Guantanamo?", ka shkruar Martinoski në Facebook.
Ish diplomati Nano Ruzhin thotë se fushata e tillë e VMRO DPMNE-së ka për qëllim relativizimin e efektit në opinion nga Raporti i ashpër i Departamentit të Shtetit Amerikan, të publikuar javën e kaluar.
"Ai ishte Raporti më i keq i Departamentit të Shtetit për Maqedoninë nga viti 2008 e këndej. Menjëherë në media u shfaq kritikë ndaj SHBA-ve, partnerit dhe aleatit tonë më të madh. Duke lexuar një medium proqeveritar lexova se opozita hesht për Marrëveshjen Prishtinë-Beograd, ndërsa ministri i punëve të jashtme ka thënë diçka, dhe në fund e citojnë Besimi. Por nga ana tjetër të gjithë heshtin për Raportin e Departamentit të Shtetit. Urgjentisht duhet të që të gjithë, edhe Besimi, të distancohen nga gjykimi i mediave dhe disa politikanëve ndaj SHBA-ve", tha Nano Ruzhin, ish diplomat.
Sipas mysafirit tjetër në 'Rruga Drejtë...', Mersel Bilallit, Shtetet e Bashkuara të Amerikës po mundohen që edhe përkundër gabimeve dhe regreseve që po bën Maqedonia, të ndihmojnë dhe përkrahin vendin tonë.
"SHBA-të Maqedoninë e mbajnë thjesht si një fëmijë të lazdruar, i cili thyen në çdo moment gota dhe bën dëme të ndryshme, dhe ai si më i rritur, i fuqishëm, nuk lejon që dikush ti mëshojë shuplakë nga rrethi, duke i thënë se do të vijë koha të rritet dhe do të kuptojë gabimin. Pra Maqedoninë thjesht e mbajnë faktorët e jashtëm, në rend të parë SHBA-të. Pra fajtorin duhet ta kërkojmë brenda", deklaroi Mersel Bilalli, analist.
Ndërsa profesorja Frosina Remenska, duke folur për integrimet e vendit në strukturat euro-atlantike ka vlerësuar se duhet të rritet kontributi i BDI-së për zgjidhjen e çështjes së emrit edhe në praktikë, e jo të mbetet vetëm në kuadër të deklaratave apo kolumnave. Sipas saj është ironike që BDI të deklarohet se është për eurointegrime, ndërsa të qëndrojë në një Qeveri e cila nuk po shtyn përpara këtë proces.
"Mendoj se për zhbllokimin e të gjithë këtyre proceseve në dinamikën e zgjidhjes së çështjes së emrit dhe integrimet tona euro-atlantike, rolin kyç duhet ta ketë BDI-ja. Përpjekjet deklarative 'Ne jemi për NATO' edhe me kolumnën e fundit të liderit por edhe me deklaratën e Ermira Mehmetit të hënën, unë...
