Nga njëra anë, arka e shtetit mbushet me nivel rekord, ndërsa nga ana tjetër, kemi deficit rekord të buxhetit. Dogana raportoi sot se në tre muajt e parë të këtij viti ka tejkalime të të ardhurave në bazë të taksave doganorë dhe akcizës.
"Doganat, në katër muajt e parë të këtij viti janë paguar në shuma më të mëdha sesa është planifikuar dhe realizuar vitin e kaluar. Niveli i realizuar është për rreth 10 % mbi atë që ishte planifikuar. Edhe pagesa e akcizave gjatë kësaj periudhe është mbi nivelin e vitit të kaluar dhe atë të planifikuar", tha Vanço Kargov, drejtor i Drejtorisë së Doganave.
Sipas të dhënave të fundit, nga janari deri në mars, Dogana ka mbledhur gjithsej 1 miliardë e 15 milionë denarë nga taksa doganore, e cila është 16 % më shumë se ajo që ishte planifikuar të mblidhej. Ndërsa për sa i përket akcizës, ajo është vjelë 9 % më shumë se sa ishte mbledhur në të njëjtën periudhë të vitit të kaluar. Sipas raportit, tregohet rritje e madhe e importit të mishit, këpucëve, pajisjeve elektrike, ndërkohë që ulje e madhem, pre 13 % kanë pësuar të ardhurat nga importi i automjeteve. Ulje ka edhe tek pagesa e TVSH-së, e cila ka të bëjë me rënien e mineraleve të papërpunuar, vajrave dhe produkteve për përpunimin dhe distilimin e tyre. Verica Pavlloska
