TIRANE - Tre ish të përndjekur politikë protestuan sot paradite duke tentuar të hedhin mbeturina në trotuarin para kryeministrisë, por janë ndaluar nga forcat e policisë të cilët ishin vendosur përpara godinës së qeverisë. Protesta e sotme ishte paralajmëruar që prej të hënës kur kryetari i shoqatës së ish të përndjekurve politikë Skënder Tufa ftoi qytetarë që t'i bashkoheshin protestës së sotme duke hedhur vezë e domate në shenjë pakënaqësie ndaj veprimeve të qeverisë së kryeministrit Berisha e cila nuk ka zbatuar me përpikmëri ligjin e dëmshpërplimeve për ish të përndjekurit. Të shoqëruarit në polici janë Skënder Tufa, Ramazan Spahiu si dhe një tjetër ish i përndjekur.
