TIRANË -- Drejtori i Policisë së Tiranës, Bernard Caushaj, ka deklaruar sot se deri më sot, gjatë fushatës elektorale, në Tiranë kanë ndodhur vetëm dy incidente të lehta elektorale dhe numri I krimeve ka qënë edhe më i ulët falë pranisë më të madhe dhe punën së vlerësueshme të punonjësve të policisë së shtetit.
Caushaj ka publikuar planin e masave që ka ndjekur dhe do vazhdojë të ndjekë deri në përfundim të procesit zgjedhor, policia e Tiranës, plan I ndarë në katër faza:
Faza e parë është faza përgatitore ku në bashkëpunim me OSBE-në, janë tranuar mbi 1600 punonjës policie për zgjedhjet.
Faza e dytë ka qënë fushata zgjedhore dhe ka qënë për t'u zbatuar kryesisht ligji për tubimet. Tashmë është dërguar edhe lista e punonjësve të policisë që do angazhohen me ruajtjen e qendrave të votimit. Faza e tretë është ajo e shoqërimit të kutive dhe e katërta, ajo e ruajtjes së numërimit të votave deri në daljen e rezultateve.
