TIRANË -- Koalicioni i Vëzhguesve Vendorë ka raportuar sot, rreth orës 11:20, të dhënat e 1700 vëzhguesve të tij, që ka shpërndarë në terren. Dy përfaqësueset e Koalicionit, Gerta Meta dhe Raimonda Prifti lexuan konstatimet dhe rekomandimet e procesit. Nga konstatimet e vëzhguesve, rezultoi se zgjedhjet u zhvilluan në një klimë tepër të polarizuar politike e megjithatë, dita e votimit eci normalisht, përjashtuar rastin tragjik të Laçit dhe incidente sporadike. Megjithë tensionin e fshehur në dukje, procesi eci me qetësi dhe qytetarët u dhanë mësimin e radhës partive politike duke shkuar të votojnë.
