Nënkryetari i PD-së dhe njëherësh kryetari i grupit parlamentar të PD-së, Astrit Patozi, ka deklaruar se fituesi për kreun e PD-së, Lulzim Basha, ishte i parazgjedhur dhe gara ishte dramatike e dhe jokorrekte. "Vetë Basha duhet të jetë i vetëdijshëm, që kjo nuk ishte garë korrekte," - tha ai. - "Unë as nuk kam uruar fituesin dhe as nuk kam ngushëlluar humbësin, sepse unë thjesht nuk kam votuar. Unë kurrë nuk kam patur bindjen dhe nuk e kam që Sali Berisha është i dërguari i Zotit në Shqipëri. Sali Berisha është vdektar, si të gjithë ne të tjerët dhe si i tillë nuk përjashtohet nga teoria e gabimit.
