Të punësuarit e Fondit shëndetësor kanë nisur prej sot shpërndarjen e kartelave elektronike shëndetësore për kompanitë me mbi 100 të punësuar. Kështu njoftuan nga Fondi duke sqaruar se kompanitë e tilla nuk janë të obliguara të presin radhë për tërheqjen e kartelave, por të njëjtat do tu shpërndahen në kompanitë e tyre. Drejtori Xhemali Mehazi gjithashtu njoftoi se kartelat elektronike shëndetësore do të shpërndahen edhe në Agjencinë për punësim për personat e siguruar dhe të regjistruar në Agjencinë për punësim.
"Këto firma të cilat punësojnë mbi 100 të punësuar, kartelat elektronike e të punësuarve të tyre do të dërgohen nga ana e të punësuarve tanë deri te këto firma. Gjithashtu një hap tjetër dhe një ndryshim që kemi ndërmarrë për të gjithë ata persona të siguruar të cilët kërkojnë punë në agjencinë për punësim dhe të cilët një herë në muaj edhe ashtu janë të obliguar deri te agjencinë për punësim për këtë grup të të siguruarve tanë Fondi i sigurimit shëndetësor tani e tutje do të bëj shpërndarjen e kartelave elektronikë në agjencinë për punësim", tha Xhemali Mehazi, drejtor i Fondit për sigurim shëndetësor.
Sipas Mehazit, lehtësime janë bërë edhe ndaj pensionistëve. Këtë kategori të qytetarëve, në shtëpitë e tyre do ti vizitojnë të punësuarit e Fondit të cilët do të plotësojnë formularët dhe kërkesat për kartelat elektronike shëndetësore.
"Për këtë grup të qytetarëve të punësuarit e Fondit të sigurimit shëndetësor me paraqitjen e tyre, me kërkesën e tyre shkojnë deri në shtëpitë e tyre, bëjnë plotësimin e formularëve nëpër shtëpi dhe gjithashtu pasi të finalizohen kartelat përsëri kartelat e gatshme elektronike do ti dërgojmë për këtë grup të pensionistëve, personave të cilët nuk kanë mundësi të vijnë deri të fondi i sugurimit shëndetësor" përfundoi Mehazi.
Nga Fondi për sigurim shëndetësor njoftuan se deri tani kanë janë pranaur 1milionë e 490 mijë kërkesa për kartela elektronike ndërkohë që pritet të dorëzohen edhe 300 mijë kërkesa të tjera. Siç njoftojnë nga Fondi, për momentin janë shpërndarë 615 mijë kartela elektronike shëndetësore. Melihate Rustemi
