Ish ministri i jashtëm Denko Malevski dhe profesori universitar Stevo Pendarovaki shprehen pesimistë për zgjidhjen e shpejtë të kontestit të emrit me Greqinë. Ata vlerësojnë pozitivisht angazhimin e BDI në drejtim të zgjidhjes së problemit të emrit por theksojnë se zgjidhja duket e largët për shkak të mungesës së vullnetit politik nga elitat udhëheqëse në Shkup e Athinë. Malevski tha se qëndrimet e opozitës dhe BDI-së lidhur me çështjen e emrit janë të përafërta dhe është krijuar një vetëdije politike për nevojën e zgjidhjes së kësaj çështje.
"Pavarësisht deklaratave qetësuese të kryeministrit dhe ministrit të jashtëm se janë të kënaqur që partneri i koalicionit shkon të njoftohet me problemin maqedono-grek në Athinë, parimisht mendoj se ngushtohet rrethi rreth partisë në pushtet nga më shumë anë me qëllim që t'i detyroj të bëjnë hap para rreth kësaj çështje serioze me kontestin me Greqinë", tha Denko Maleski, profesor universitar.
"Aktiviteti i BDI është në drejtim që të intensifikohen negociatat për emrin të cilat objektivisht muajt e kaluar po edhe vite mund të thuhet se nuk kanë lëvizur nga pika e vdekur", u shpreh Stevo Pendarovski, profesor universitar.
Sa i përket vizitës së ndërmjetësit Metju Nimic, ata nuk presin propozim të ri. Pendarovski madje thotë se Nimic vjen në Shkup e Athinë për të dëgjuar qëndrimet finale nga të dyja palët rreth propozimit të fundit.
"Çfarë konkretisht do të thotë vizita e Nimicit, mendoj jo shumë. Është e mundur që ai të tentoj me propozime të reja por mendoj se të gjitha propozimet larët-poshtë veç më janë të njohura", tha Denko Maleski, profesor universitar.
"Vizitën e Nimicit unë e shoh në kontekst të propozimit të tij të fundit që u dha para disa muajve dhe është e qartë se asnjëra palë në Athin dhe Shkup nuk kanë dhënë përgjigje definitive. Nuk besoj se Nimic vjen me propozim të ri por mendoj se vjen për përgjigjen defitinive nga Athina dhe Shkupi në lidhje me atë propozim", theksoi Stevo Pendarovski, profesor universitar.
Ndërmjetësi i OKB-së për çështjen e emrit Methju Nimic më 9 shtator do të vizitojë Athinën ndërsa një ditë më pas do të qëndrojë edhe në Shkup. Lideri i BDI Ali Ahmeti gjatë vizitës zyrtare në Athinë, u shpreh optimist për misionin e radhës të ndërmjetësit Nimic. Gjyltene Rexhallari
