Mbledhja e fundit e qeverisë së djathtë iu dedikua një lumi akuzash ndaj kryeministrit të zgjedhur Rama, i cili u etiketua nga Berisha si bllokues i integrimit. Por në fakt, procesi i integrimit të Shqipërisë drejt Bashkimit Evropian do të zë një vend të vecantë në qeverinë e re. Ndër takimet e para që kryeministri i zgjedhur nga vota e 23 Qershorit do të zhvillojë jashtë Shqipërisë do të jetë Brukseli, pikërisht për të shprehur angazhimin drejt këtij rrugëtimi. Ambasadori i Bashkimit Evropian në Tiranë, Ettore Sequi është kujdesur t'i "rezervojë" Ramës takime me shefat e institucioneve evropiane, të cilat do të zhvillohen gjatë kësaj vizite.
Në një takim të zhvilluar në ambjentet e selisë rozë mes kryediplomatit dhe liderit socialist Rama, Sequi shprehu mbështetjen e Bashkimit Evropian ndaj iniciativës integruese marrë nga qeveria e re.
