Protestat e transportuesve të Makamtrans që kanë bllokuar rrugën që çon drejtë vendkalimit kufitarë Bllacë, është e paralajmëruar, konfirmuan nga Ministria e Brendshme. Megjithatë, nga MPB-ja nuk sqaruan se përse nuk kanë vepruar sipas nenit 2-a të Ligjit për grumbullime publike në të cilin thuhet se Grumbullim publik për shprehje të qetë të mendimit ose protestës, mund të mbahet në çdo vend të përshtatshëm për këtë qëllim, përveç se: Në autostrada dhe rrugë magjistrale në mënyrë që do pengohej dhe rrezikohej trafiku rrugor ose sipas nenit 6 ku thuhet se Ministria e Punëve të Brendshme do ta ndërpresë mbajtjen e grumbullimit publik në raste kur mbajtja e tij bie ndesh me marrëveshjet ndërkombëtare me të cilat është parashikuar obligimi për zhvillim të papenguar të komunikacionit'. Rruga drejt vendkalimit Bllacë është M3 apo rrugë magjistrale. Zëdhënësi i MPB-së Ivo Kotevski në linjë telefonike tha për ALSAT M se policia, citojmë: "Absolutisht vepron në pajtim me ligjet".
Neni 2-a
Tubimi publik për shprehje të qetë të mendimit ose protestës, mund të mbahet në çdo vend të përshtatshëm për këtë qëllim, përveç:
- Afër institucioneve shëndetësore në mënyrë që do e vështirësonte kalimin e automjeteve të ndihmës së shpejtë dhe do e prishte qetësinë e të sëmurëve.
- Afër çerdheve dhe shkollave deri sa në to qëndrojnë fëmijët dhe
- Në autostrada dhe rrugë magjistrale në mënyrë që do pengohej dhe rrezikohej trafiku rrugor. "
Neni 6
Ministria e Punëve të Brendshme do ta ndërpresë mbajtjen e tubimit publik në rastet kur i njëjti është i orientuar drejt:
- rrezikimit të jetës, shëndetit, sigurisë, sigurisë personale dhe pasurisë së qytetarëve;
- ushtrim ose nxitje të ushtrimit të veprave penale të përcaktuara me ligj dhe
- rrezikim të mjedisit jetësor.
Ministria e Punëve të Brendshme do ta ndërpresë mbajtjen e tubimit publik në rastet kur mbajtja e tij bie ndesh me marrëveshjet ndërkombëtare me të cilat është parashikuar obligimi për zhvillim të papenguar të komunikacionit. Goran Temenugov
