Kryetari i Komunës së Karposhit, Stevço Jakimovski do të mbajë të shtunën Kongresin e parë të partisë së tij të re, Opsionit Qytetar për Maqedoninë. Jakimovski tha se gjatë verës në partinë e tij janë anëtarësuar mbi 13 mijë anëtarë. Ai tha se GROM së shpejti do të prezantojë programin politik të partisë dhe se do të jetë të gatshëm për zgjedhjet presidenciale në mars të vitit 2014. GROM do të dalë me kandidat të sajin në këto zgjedhje, në bashkëpunim me Partinë Radikale Serbe të Dragisha Miletiqit dhe Partinë Liberale të Ivon Veliçkovskit. Jakimovski i fitoi bindshëm zgjedhjet në Komunën e Karposhit në zgjedhjet e fundit lokale, ku garoi si kandidat i pavarur, pas mosmarrëveshjeve me udhëheqësin e atëhershme të LSDM-së, pas çka edhe u përjashtua nga partia.
"Po, është e sigurt se GROM do të dalë me kandidat të vetin presidencial. Nuk do të ketë koalicion parazgjedhor, përveç që do ti ofrojmë bashkëpunim Partisë Radikale Serbe dhe Partisë Liberale. Me këtë lind një parti e re, e pavarur. Duam që me programin tonë të vihemi në shërbim të qytetarëve, të pasurojmë skenën politike në Maqedoni. Duam të marrim pjesë në këtë garë, dhe me forcat tona të tregojmë se mund të ndryshohet bota bardh e zi në Maqedoni", deklaroi Stevço Jakimovski, GROM. Alsat-M
