Nxënësit e shkollave të mesme "Ibrahim Temo"dhe "Niko Nestor" mbeten pa transport rrugor. Firmat private që transportonin nxënësit kanë pezulluar shërbimet e tyre falas për transportin e nxënësve, pasi Ministria e Arsimit nuk ka shlyer me kohë obligimet ndaj tyre. Nxënësit thonë se edhe këtë vit të ri shkollor ka vazhduar problemi me transportin, që kishte filluar në maj të vitit të kaluar.
"Prej vjet kemi filluar të paguajmë para për transportin prej Veleshte në Strugë, paguajmë 60 denarë në ditë. Na kanë premtuar që do të na këthejnë paratë,por nuk na kanë këthyër. Fajin e ka Ministria e Arsimit, Komuna, as drejtori i shkollës nuk merr iniciativë", tha një nxënës.
"Prej vjet në maj kemi filluar të paguajmë taksi, edhe këtë vit vazhdojmë që të paguajmë. Kemi shkuar shpesh tek drejtori, por nuk na kanë thënë se kur do ta kemi pa të holla. Nuk na kanë këthyer as të hollat, kështu që vazhdojmë që ende paguajmë", u shpreh një nxënëse.
"Na kanë thënë që prej vjet që e kemi transportin falas, por përsëri paguajmë para për transportin. Na kanë premtuar, por nuk na kanë kthyer", tha një nxënës tjetër.
"Ministria ka premtuar që transporti të jetë falas, domethënë i paguar, por në fakt nuk na kanë paguar që vjet. Ky është problem jo vetëm për ne, por edhe për prindërit tanë", u shpreh një nxënëse.
Ndërsa vet shoferët që po transportojnë nxënësit për në shkollë,nuk donin të prononcoheshin për televizionin ALSAT-M, pasi kanë frikë se mos i humbasin edhe pagat e vitit 2012, nga të cilat ende kanë marrë asnjë denarë. Ata fajësojnë Komunën dhe Ministrinë e Arsimit që nuk ua ka dhënë paratë për shërbimet e kryera deri tani. Por më të shqetsuarit janë prindërit, të cilët po e ndjenjë nga xhepat mosmarrëveshjen që kanë këto dy institucione.
"Unë djalin e kam në shkollë, në "Niko Nestor" edhe ka një problem se transporti nuk paguhet. Ministria dhe Komuna kanë premtuar që ta paguajnë, por nuk paguajnë, dhe fajin e ka ministria qe nuk e paguan transportin, ne u paguajmë nga xhepi fëmijëve të hollat për rrug...
"Ministria premton shumë, kurse nga ana tjetër nuk realizon.Fëmijët i kishim në shkollë, shkonin me paratë tona në shkollë, na premtuan që do na kthejnë, por akoma as të kthyer asgjë ,prap mbetet ajo e vjetra si ka qënë... Nuk e dijmë cfarë të bëjmë, a do ti dërgojmë fëmijët në shkollë, ose do ti ndalojmë".
"Ministria thotë që shkolla është e obliguar dhe për nxënësit transportit do të jetë i paguar, kurse përkundrazi fëmija im personal është duke paguar, kështu që edhe vjet edhe këtë vit transporti paguhet nga fëmijët", thonë prindërit.
Kryetari i Komunës së Strugës, Ziadin Sela tha se asnjë transportues nuk do të merr para për shtatorin, por ato do ju jepen nxënësve. Ai tha gjithashtu se gjendja e arsimit në vend është para kolapsit.
"Nuk është që ka ndonjë problem që nuk ka ekzistuar me vite të tëra, ky problem është dashur të rregullohet prej kur janë bërë kontratat me transportuesit e vjetër, dhe këtë do të bëj unë për vitet e tjera në vazhdi...
