Ka përfunduar kampionati kombëtar i peshëngritjes për të rinjtë e moshës U-17 dhe U-20 zhvilluar në Tiranë. Në ditën e parë kampion i Shqipërisë për grupmoshën e U-17, me 587 pikë të grumbulluara, u shpall ekipi privat "Ismail Bej Vlora", ndërsa pas tij,
duke reflektuar edhe luftën e ashpër dhe nivelin e lartë të konkurrencës, u renditën me pikë të barabarta, 566 pikë ekipi i Shtërmenit dhe ekipi privat "Masglass". Në ditën e dytë radhën e kanë pasur femrat paradite dhe U-20 meshkujt pasdite. Kampion i Shqipërisë për grupmoshën U-20 u shpall ekipi i
Elbasanit, me 581 pikë, i ndjekura nga Teuta, me 541 pikë dhe ekipi i Shtërmenit, me 522 pikë. Ndërsa sportisti më i mirë i kësaj veprimtarie për grupmoshën U-20 u shpall peshëngritësi Aleks Kocani i Skënderbeut, me 378 pikë, kurse sportistja më i mirë E kësaj veprimtarie për grupmoshën e U-20 u shpall Marjela Bajrami e Flamurtarit, me 144 pikë.
