LSDM-ja opozitare ka kritikuar dhe të vazhdoj të kritikoj qeverinë gjithmonë kur të vlerësoj se harxhon parat e qytetarëve për gjëra të panevojshme, siç janë harxhimet lidhur me projektin 'Shkupi 2014'. Kështu deklaroi në intervistën javore të radios Evropa e Lirë, Vanço Uzunov, nënkryetar i LSDM-së. Uzunov premton se kur LSDM-ja të vij në pushtet nuk do të kursej, por do të harxhoj për të përmirësuar standardin e qytetarëve, për të ndërtuar një infrastrukturë më të mirë, dhe do ët investoj në sektorin privat.
"LSDM-ja asnjëherë nuk e ka kritikuar qeverinë se po harxhon shumë, por gjithmonë kemi thënë se harxhon shumë për gjëra të panevojshme. Harxhimi i tepërt në situatë të krizës ekonomike, është në rregull. Ju nuk mund të kurseni, shteti nuk mund të kursej atëherë kur gjendja është e rëndë, do të kursej kur situata ekonomike të përmirësohet. Por kjo nuk nënkupton se duhet të harxhoj për gjëra të panevojshme, për luks. Por të harxhoj për të mbajtur standardin e qytetarëve dhe si ta rit produktivitetin e ekonomisë. Ashtu që LSDM-ja nuk thotë se ne nuk do të harxhojmë aq sa qeveria aktuale, por ama nuk do të harxhojmë në atë mënyrë dhe për ato qëllime. Nuk ka harxhime për do far përmendoresh, mermerë, tulla dhe ndërtesa e kështu me radhë. Do të investohet në infrastrukturë, rrugë, autostrada, hekurudha, energjetikë dhe një sërë investimesh që nënkuptojnë rritje të produktivitetit të sektorit privat, jo të qeverisë, jo të sektorit publik, por të sektorit privat, që të mund ai sektor të punësoj qytetarë dhe të paguaj paga më të madha në të ardhmen", tha Vanço Uzunov, LSDM. Alsat-M
