Deklaratë e pa përgjegjshme, deklaratë e pafuqishme dhe e pazakontë për një kryeministër kur flet për një çështje me interes strategjik për vendi. Kështu kanë komentuar deklaratën e një dite më parë të kryeministrit, Nano Ruzhin dhe Bekim Kadriu. Ruzhin madje ngjarjet në vendi tonë i krahason me ngjarjet në Ukrainë duke pas parasysh se kemi edhe të burgosur politik dhe gjithnjë e më shumë po rritet euro skepticizmi në vendin tonë.
"Një defetizëm i tillë është i pazakontë për një burrështetas kur bëhet fjalë për çështje që janë me rëndësi strategjike për shtetin, çështje të cilat 20 vite janë qëllimi ynë edhe në diplomaci dhe politikën e jashtëm dhe të brendshme më të vërtet është befasuese është mirë në politik ndonjëherë të parashihen gjërat megjithatë ta thoni në atë mënyrë ajo do të thotë se ose jeni të pafuqishëm ose të pa aftë të bëni diçka në atë plan", deklaroi Nano Ruzhin, analist.
Kadriu e vlerëson deklaratën e kryeministrit si të sinqertë dhe reale, por e cila nga ana tjetër rrit dyshimin te opinioni nëse kryeministri dëshiron sinqerisht të zgjidh kontestin me emrin ose jo.
"Deklaratat e këtilla e rrisin dyshimet për sinqeritetin e tij në drejtim të zgjidhjes së kontestit dhe zhbllokimin e procese euro integruese e rrisin dyshimin tani qytetarët janë dyshojnë nëse vërtetë ka interes siç thuhet zyrtarisht se dëshirojnë ta zgjidhin kontestin me Greqinë mirëpo deklaratë e tilla të cilat më tepër ju largojnë me Greqinë se sa ju afrojnë deklaratat e tilla na çojnë të dyshojmë ka interes të sinqertë apo nuk ka në këtë drejtim", tha Bekim Kadriu, analist.
Sipas Kadriut rekomandimi që pritet të vij nga Brukseli është i pritur për arsye se Maqedonia nuk ka bërë asnjë hap drejt zgjidhjes së pengesës kryesore për tu integruar në strukturat euroatlantike, siç është zgjidhja e kontestit të emrit me Greqinë. Sipas tij nuk ka dialog të sinqertë me palën greke si dhe mundon dialogu dhe një konseus brenda shtetit si nj parakusht për zgjidhjen e mundshme të kontestit të emrit. Gjyltene Rexhallari
