"Unicef" dhe Fondacioni "T-mobile" kanë filluar fushatën për rëndësinë e zhvillimit të fëmijëve. Me moton "5 të parat janë më të mbarat", dy organizatat kanë hapur rreth 20 qendra për zhvillim të hershëm të fëmijëve nëpër Maqedoni. Në kuadër të kësaj fushate do të hapen edhe 5 qendra tjera në Radovish, Sellcë të Tetovës, Desovë të Dollnenit, Zleovë të Radovishit si dhe në Lisiçe të poshtme të Aerodromit. Me këtë fushatë Unicefi përcjell mesazhin për rëndësinë e madhe të zhvillimit të hershëm të fëmijëve. UNICEF paralajmëroi se do të ndihmojë çdo Komunë e cila është e interesuar dhe gjen objekt për hapjen e një qendre të tillë.
"Nëpërmjet fushatës duam që t'iu ndihmojmë prindërve që të mësojnë se si më mirë të kujdesen për fëmijët e tyre në 5 vitet e para të jetës, si dhe të kërkojnë një kujdes kualitativ nga tjerët të rritur që kujdesen për to. Pa marrë parasysh a janë ato mësues, edukatorë, dado apo pjesëtarë të familjes", tha Bertran Demulen, përfaqësues i UNICEF-it.
"Me këtë fushatë së pari i motivojmë komunat të zhvillojnë partneritet me UNICEF-in,komuniteti biznesor të adoptojë ndonjë qendër si dhe të gjithë qytetarët e Republikës së Maqedonisë të donojnë në numrin 070 143 555", deklaroi Lea Lipsha, drejtoreshë e fondacionit T-mobile. Alsat-M
