Me dhjetëra makina dhe flamuj që valëviten, disa mijëra demonstrues të opozitës, e bllokuan trafikun në Kiev,para ndërtesës së Qeverisë ukrainase. Pjesëmarrësit në protestë, të gjithë të punësuarve në shërbimet e Qeverisë iu porositën që të kthehen në shtëpitë e tyre, pasi për sot shpallën grevën kombëtare kundër politikës së qeverisë. Protestat thuajse për çdo ditë përfundojnë me dhunë dhe përleshje me policinë. Pjesëmarrësit në protestë thonë se nuk do të tërhiqen deri sa presidenti Janukoviç, nuk jep dorëheqje .
"Do të qëndrojë deri në fund. Nuk do të humbas asgjë. Kam nipër e mbesa dhe fëmijët të mëdhenj, të paktën ata të kanë një jetë më të mirë", deklaroi Nikollai Kovalenko, protestues.
"Qeveria dhe i tërë kabineti duhet të japin dorëheqje. Për të gjithë është mbushur kupa. Këtu do të qëndrojmë deri në fund", tha Andri Menek, protestues.
Administrata e qytetit të Kievit dhe Shtëpia e Sindikatës prej dje janë të pushtuara nga protestuesit. Në selinë e sindikatës është vendosur "Shtabi i rezistencës", i krijuar nga opozita dhe qendra e vogël e shtypit. Atje gjenden edhe një pjesë e deputetëve të opozitës. Autoritetet mbrëmë paralajmëruan se sjellja e tillë është kundërvajtje dhe bënë thirrje që të largohen nga ndërtesat, pasi në të kundërtën do të ndërhyjë policia. Protestat nëpër Ukrainë filluan javën e kaluar pasi autoritetet në Kiev e ngrinë marrëveshjen me Brukselin, për përafrimin e Ukrainës me Bashkimin Evropian. Presidenti Janukoviç, hapin e tillë e justifikoi me vlerësimet që Bashkimi vendosi kërkesa tepër të mëdha për Kievin dhe se aleanca me Evropën do të shkaktonte ndërprerjen e lidhjeve të mëdha ekonomike me Moskën. Sipas burimeve ruse, Janukoviç duhet nesër të udhëtojë për vizitë katër ditore në Kinë, prej ku do të shkojë për në Moskë, ku me autoritetet ruse do të duhet të bisedojë për ngritjen e marrëdhënieve të reja ekonomike. Petar Bllazhevski
