TIRANE- Të përfshish nxënësit e shkollës në fushatat sensibilizuese për respektimin e rregullave të qarkullimit rrugor nuk është më një risi. Ndoshta janë ende të vegjël për të drejtuar makinën, por jo aq të vegjël për t'i tërhequr vëmendjen babait, apo të afërmit më të madh që mund të jetë duke drejtuar makinën ku ai ndodhet.
Nxënësit që kanë marrë sensibilizimin teorik do të asistojnë praktikisht pranë punonjësit të Policisë Rrugore të veshur me (jelek të qarkullimit), të vendosur në afërsi të kryqëzimeve të shkollave të mesme përkatëse, për sensibilizimin e ndërgjegjësimin qytetar dhe për respektimin e rregullave në fushën e qarkullimit rrugor.
