TIRANE - Mazhoranca në komisionin e Ligjeve në Kuvend ka rrëzuar rreth orës 14:20 dy dekretet e Presidenti Bujar Nishani, për anëtarët e Gjykatës së Lartë. Me 16 votat e deputetëve të mazhorancës, Komisioni i Ligjeve nuk ka kaluar emrat e Petrit Çenos dhe Gjovalin Përnocës për në seancë plenare me qëllim që të votohen si anëtarë të Gjykatës së Lartë.
Menjëherë kanë reaguar edhe deputetët e opozitës. Deputeti i PD-së, ka deklaruar se, "mazhoranca nuk kalon dekretet pa kaluar nga zyra e PS". Sipas tij, "mazhoranca i ka shpallur luftë Presidentit dhe integrimit të vendit".
Ndërsa deputetja socialiste, Vasilika Hysi ka deklaruar se, presidenti duhej që t'i shihte me më kujdes kandidaturat. "Presidenti duhet të shihte më me kujdes kandidaturat e paraqitura për në Gjykatën e Lartë".
Sipas saj nuk duhet që të bëhen diferencime. "Nuk duhet të bëhen diferencime, të konkurrojnë dhe profesorë të universiteteve", ka thënë gjatë fjalës së saj, deputetja Hysi.
ORA 13:25 DEBATE KOMISION, SUBASHI: KUVENDI TE MOS I KALOJE DEKRETET
Debate në Komsionin e Ligjeve në Kuvend, në lidhje me dy kandidaturat e propozuara nga presidenti, Bujar Nishani për anëtarë të Gjykatës së Lartë. Deputeti i PS-së, Armando Subashi, i cili është edhe relator, ka kërkuar nga Kuvendit që të mos japë pëlqimin për dy kandidaturat e propozuara nga Nishani, Gjovalin Përnoca dhe Petrit Çeno.
Sipas relatorit Subashi, komisioni pasi ka kërkuar informacion nga disa institucione, ILDKP-ja nuk ka denjuar të kthejë përgjigje, ndërsa Ministria e Drejtësisë dhe KLSH-ja, kanë kthyer.
Gjatë relacionit të tij, Subashi tha se,"vendet vakante janë krijuar jo për shkak të mbarimit të mandatit por për shkak të synimit që të krijohet një Kolegj Administrativ pas ngritjes së Gjykatës Administrative".
"Procesi është i parashikuar nga Kuvendi dhe jo sipas ligjit organik. I kërkoj Kuvendit që të mos japë pëlqimin për kandidaturat, ndërsa presidenti Nishani duhet nisë procesin sipas ligjit", tha Subashi. Sipas deputetit socialist, presidenti nuk i është përmbajtur ligjit organik për zgjedhjen e kandidaturave.
KLOSI: NISHANI NUK SHKEPUTET NGA BERISHA, REAGON PALOKA
Ndërkaq deputeti tjetër i PS-së, Blendi Klosi ka deklaruar se, "presidenti Bujar Nishani nuk shkëputet dot nga urdhrat e Berishës dhe është zgjedhur për të mbrojtur interesat e ish-kryeministrit". Sipas tij, "Nishani është zgjedhur në këtë post për të mbrojtur interesat e PD dhe në kundërshtim me opozitën e atëhershme".
Ndërsa deputeti demokrat, Edi Paloka ka akuzuar deputetët socialistë se kur ishte presidenti i tyre, i votonin kandidaturat pasi kishin "zarfin para". "Dje kur ishte presidenti juaj, pavaresishtë se e votuam ne, ishit gati për çdo kandidatur pasi kishit gati zarfin me para", tha Paloka në fjalën e tij.
DY KANDIDATET U PYETEN DJE NGA KOMISIONI I LIGJEVE
Është shtyrë për sot diskutimi dhe votimi në Komisionin e Ligjeve i dy dekreteve të presidentit Bujan Nishani për kandidatët e Gjykatës së Lartë, Gjovalin Përnoca dhe Petri...
