Kreu i Kuvendit Trajko Veljanoski dhe krerët e grupeve parlamentare të partive të koalicionit qeveritar, edhe sot me shumë vështirësi siguruan kuorumin e nevojshëm për punën e kuvendit. Opozita vazhdon obstruksionin ndaj projektligjeve me procedurë të shkurtuar. Shumica parlamentare nuk pranoi propozimin e deputetit të Partisë Liberale Ivon Veliçkovski që auto transportuesve për mallra dhe njerëz tu kthehet TVSH-ja. Sipas tij, ajo do të reflektonte edhe në përcaktimin e çmimit për shërbimin që ato ofrojnë.
"Kthimi i TVSH-së, sidomos për transportuesit është i rëndësishëm edhe në përcaktimin e çmimit të shërbimit të tyre, e cila përskaj harxhimeve për amortizim dhe mirëmbajtjen e mjeteve me të cilat kryejnë shërbimin, llogarit edhe paratë nga kthimi i TVSH-së", tha Ivon Veliçkovski, PL. Alsat-M
