RUSI - Kievi ka bllokuar listën elektorale të referendumit, të deklaruar gjatë ditës së enjte nga Republika e Krimesë. Komisioni elektoral qendror ukrainas ka vendosur të bllokojë për një periudhë të caktuar hyrjen në listat elektorale të Krimesë dhe të Sebastopolit.
Kjo bëhet për të ndaluar zhvillimin e konsultimeve të Referendumit, që është parashikuar të mbahet më 16 mars në Krime. Zëvendëspresidenti i këtij Komisioni Andrei Maghera, ka shpjeguar për televizionin ukrainas Kanale 5, se autoritetet e Krimesë nuk mund të përdorin të dhënat e këtyre listave për të krijuar listën e zgjedhjeve dhe nëse do e bëjnë, nuk do të jenë lista me kushte që kërkon ligji.
Me anë të këtij referendumi, qytetarët do të zgjedhin mes dy alternativash, të kthehen tek Kushtetuta e vitit 1992, duke qëndruar në Ukrainë apo të shkojnë në territorin e Rusisë.
