BANKOK- Qeveria tajlandeze ka vendosur të anulojë gjendjen e jashtëzakonshme të vendosur në vend pas protestave që u verifikuan në muajin janar.
Sekretari i Përgjithshëm i kryeministres Yingluck Shinawatra, ka deklaruar se do të jetë efektive duke filluar nga mesnata e sotme.
Gjendja e jashtëzakonshme, u vendos më të martën e 21 janarit të këtij viti, për qytetin e Bankokut dhe për provincat përreth tij, për të përballuar rrëmujat që kishin pushtuar vendin dhe kjo gjendje do të vijonte për 60 ditë.
Masa e sigurisë, u ndërmor gjatë mbledhjes së kabinetit qeveritar tajlandez, pasi manifestues të shumtë kishin bllokuar zonat e kryeqytetit dhe kërkonin dorëheqjen e kryeministres së vendit.
Në atë periudhë zëvendëskryeministri i Tajlandës Surapong Tovichakchaikul, deklaroi se kabineti vendosi këtë masë, për të marrë në dorë situatën dhe për të respektuar ligjin.
