TIRANE- Universitetet tona janë të mbushur me pedagogë që mbajnë tituj shkencorë, por nuk kanë bërë asnjë punë shkencore dhe as kanë shkrruar ndonjë shkrim.
Universiteti i Arteve të Tiranës, ka përgatitur një raport mbi veprimtarinë mësimore dhe akadamike për vitin 2013, ku kërkimi shkencor renditet si një nga "dështimet" e stafit, duke theksuar se mungojnë plotësisht debatet për artin e kulturën.
" Disa herë ka ndodhur që fakultetet të djegin fondet financiare të vëna në dispozicion për aktivitetin shkencore! Është një numër i vogël kolegësh që shprehen në shyp apo forma të tjera, ndërsa një pjesë e madhe prej vitesh nuk shkruajnë një shkrim, nuk marrin pjesë në një konference shkencore me një kumtesë. Ka ndodhur që është marrë titulli e me pas shterim i energjive të cilat do të përbënin dobi jo vetëm për individin por sidomos për komunitetin dhe studentët. E në këtë kuadër vazhdon të ngelet e parealizuar një nga detyrat themelore qe na ngarkon Ligji i Arsimit te Larte. Hapja e shkollës së Doktoraturës", - thuhet në raportin e miratuar nga Senatit akademik i universitetit të Arteve.
Raporti i këtij universiteti, hedh dritë mbi situatën e mjerueshme në të cilën po kalon kërkimi shkencor dhe puna akademike në vendin tonë. Ndërkohë që lehtësimi i procedurave për të përfunduar shkollën e doktoraturës dhe hapja e kuotave në këtë cikël studimesh, u bënë prej kohësh që janë në qendër të kritikave të specialistëve të arsimit.
