Mos përfshirja e kryesisë së partisë dhe emrave të spikatur të LSDM-së në listat e kandidatëve për deputetë, ka për qëllim të bllokojë fushatën negative që VMRO prej kohësh zhvillon rreth kryetarit të socialdemokratëve Zoran Zaev por edhe funksionarëve të lartë të kësaj partie. Sipas analistit Marko Toshanovski, motivi i shtesë i LSDM-së është të dallohet nga udhëheqja e mëparshme e Branko Cërvenkovskit.
"Ekzistojnë 2 arsye për një veprim të tillë..Fillimisht, të dallohet në një far mënyre përbërja aktuale nga përbërjet e kaluara që e udhëhiqnin partinë. Së dyti, me qëllim që fushata negative që zhvillohej deri më tani ndaj udhëheqësisë aktuale të LSDM-së pjesërisht të shpërqendrohet apo efekti i tij të zbutet nëse kemi parasysh fushatën e fuqishme dhe agresive që kishim periudhën e fundit", u shpreh Marko Troshanovski, komunikolog.
Sipas analistit Zdravko Saveskit megjithëse vetëm pas ditës së zgjedhjeve do të shihet nëse ky hap i LSDM-së do ta çoj atë në fitore apo dështim, rifreskimi i listave sipas tij është një hap i guximshëm.
"Efekti pozitiv është ai që e bllokon fushatën e VMRO DPMNE-së që zhvillon ndaj LSDM-së në një moment shumë të rëndësishëm dhe do të pengojë në gjetjen e njollave të zeza nga e kaluara rreth kandidatëve të LSDM-së pasi ofrohen persona të rinj. LSDM-ja duke penguar reklamën negative ndaj saj bën një reklamë të mirë që ofron njerëz të rinj të partisë", deklaroi Zdravko Saveski, analist.
Kreu i LSDM-së Zoran Zaev një ditë më parë theksoi se ky koncept i ri ku udhëheqja e Partisë nuk është në listat zgjedhore, dërgon mesazhin më se të qartë se Zoran Zaev dhe pjesa më e madhe e udhëheqjes së LSDM-së janë baza e ekipit që do të krijojë qeverinë e ardhshme të Maqedonisë. Nga ana tjetër LSDM ka rifreskuar edhe listën e deputetëve me atë që përfshihen vetëm 7 deri në 8 deputetë nga përbërja e fundit parlamentare. Në listat e LSDM-së ndërkohë nuk figurojnë emrat e deputetëve të deritanishëm Jani Makraduli, Igor Ivanovski, Andrej Petrov, Ana Pavlova Daneva, Gordan Gerorgiev, Natasha Savova, Cvetanka Ivanova e të tjerë. Semra Jakupi
