Në 2014 rritja e Prodhimit të Brendshëm Bruto në Shqipëri pritet të jetë 2.1 %
Ky është parashikimi që FMN bën në raportin e publikuar dje me titull "Rimëkëmbja fuqizohet, por dobësitë mbeten".
Ndërkohë për 2015 FMN parashikon një rritje optimiste prej 3.3 % ndërsa në 2019 prej 4.7 %
Sipas FMN-së rritja ekonomike për 2013 ishte 0.75%, shifër jo e njëjtë me atë të publikuar së fundmi prej INSTAT i cili e vlerësonte rritjen ekonomike vetëm 0.44%. Kjo rritje ka qenë më e ulët në rajon.
Në krahasim me shtetet fqinje, Serbia pritet të ketë një rritjen më të ulët të Prodhimit të Brendshëm Bruto për 2014.
Kështu FMN parashikon që në Kosovë rritja ekonomike të jetë 3.9 %, në Maqedoni 3.2 %, në Mal të Zi 2.8 %, ndërkohë që në Serbi 1 %. Në Greqi rritja ekonomike parashikohet të jetë 0.6%
Në raportin e saj Fondi Monetar Ndërkombëtar vlerëson se rimëkëmbja e ekonomisë botërore po fuqizohet.
Raporti parashikon që ekonomia botërore të rritet me 3.6% nga 3 % që ndodhi vitin e kaluar. Vitin e ardhshëm rritja pritet të jetë edhe më e madhe, në shifrën 3,9 për qind.
"Zhvillimi i ngadalshëm i zonës euro, paqëndrueshmëria në tregjet në zhvillim, dhe beteja politike midis Rusisë dhe Ukrainës kërcënojnë të ndikojnë në rimëkëmbjen e dobët ekonomike globale." Thotë këshilltari ekonomik i FMN-së dhe drejtor i Departamentit të Kërkimeve në një intervistë për Wall Street Journal.
