BERAT- Rruga kryesore përballë stadiumit "Tomori" në Berat është krejtësisht e shkatërruar dhe për këtë duket se nuk shqetësohet askush. Siç duket edhe nga pamjet, rruga në të dy anët e saj është kthyer në gërmadhë e mbushur me gropa, gurë përgjatë gjithë gjatësisë së saj.
Qytetarët ankohen se kjo gjendje e rëndë e rrugës vazhdon të jetë e tillë prej vitesh dhe askush duket se nuk do ta di për gjendjen e saj.
Në këtë pjesë të qytetit më parë ushtrohej veprimtaria e tregut industrial, gjë e cila ka ndikuar në shkatërrimin e trotuareve. Por dhe pse tregu është zhvendosur, asnjë investim nuk ka nisur për sistemimin e rrugës, në të cilën lëvizin çdo ditë me qindra këmbësorë. - See more at: http://www.shqiptarja.com/aktualitet/2731/berat-rruga-para-stadiumit-tomori-e-shkaterruar-ankohen-qytetaret-210116.html#sthash.Y2Ols3B3.dpuf
