Shkoder- 55- vjeçari Kole Drini ka qënë duke punuar arën së bashku me bashkëshorten dhe kunatën, kur është pikasur mirë nga atentatori, i cili e ka ekzekutuar me snajper.
Ky është versioni i ekspertëve të policisë së Shkodrës për mënyrën se si është kryer krimi mëngjesin e sotëm në fshatin Vukatanë të komunës Gur i Zi.
Viktima ka gjetur vdekjen e menjëhershme, pasi u qëllua me 2 plumba në gjoks,ndërkohë që bluzat e bardha kanë konfirmuar se 55-vjeçari kishte ndërruar jetë pa mbërritur në spital.
Të afërm të viktimës kanë deklaruar para uniformave blu se ai kishte dalë në tokat e tij për të punuar në sera si cdo ditë tjetër, dhe në rrugën kryesore ata kanë dalluar qe është afruar një automjet nga mendohet të jetë qëlluar në drejtim të Kolë Drinit, nga një distancë prej fati 50 metra.
Pasi kanë dëgjuar krismat kanë qënë familjarët e viktimes të cilët kanë ndërhyrë menjëherë për të dërguar të afërmin në spital, por përpjekja e tyre ka qënë e kotë.
Në vendngjarje menjëherë kanë mbërritur forca të shumta policie të komisariatit të Shkodres si dhe forcat e ndërhyrjes së shpejtë të cilat janë vënë ne ndjekje të automjetit nga ku dyshohet se është qëlluar Drini.
Autorët qëlluan 50 metra në distancë
Sipas grupit hetimor, dyshohet se vrasja është kryer me snajper, kjo edhe për shkak se në vendngjarje nuk është gjetur asnjë gëzhojë përveç 2 predhave të plumbave në trupin e 55-vjeçarit.
Sipas policisë autorët kanë qëlluar brenda automjetit nga rruga kryesore që lidh fshatin Vukatanë me Gurin e Zi, ndërsa janë larguar menjëherë të pashqetësuar nga askush.
Dy pista hetimi: Konflikti i pronësisë dhe gjakmarrja
Hetimet kryesore të policisë janë përqëndruar në 2 pista, ku kryesorja është ajo për gjakmarrje.
Disa vjet më parë vëllai i Kol Drinit, ka bërë një vrasje në fshatin Shelqet, për të cilën ka vuajtur dënimin, ndërsa aktualisht mësohet se jeton në SHBA.
Ndërkohë dy vjet më parë, më 28 shtator të 2012-ës, Astrit Drini i afërm me viktimën është ekzekutuar.
Ngjarja e atëhershme do të raportohej si vrasje për konflikt pronësie. 41-vjeçari Astrit Drini u qëllua disa herë me pistoletë nga fqinji i tij 29-vjeçari Fatjon Zyberi, i cili aktualisht është në burg duke vuajtur dënimin, ndërsa familja e tij është ë ngujuar.
Policia po merr në pyetje dëshmitarë që mund të kenë parë vrasjen për të çuar në arrestimin e autorit.
