KORCE- Spitali i Korçës ka reaguar pasditen e sotme lidhur me ngjarjen e ndodhur në Gjykatën e këtij qyteti, ku një 60-vjeçar ka humbur jetën si pasojë e një ataku kardiak. Bashkëshortja e 60-vjeçarit ka tentuar disa herë të njoftojë autoambulancën, por thirrjes së saj nuk i është përgjigjur njeri. Por sipas Spitalit të Korçës, "telefoni ishte i zënë pasi merrnin qytetarë të tjerë".
Në reagimin lidhur me vonesën e ndodhur, Shefi i Urgjencës së Spitalit, Kujtim Shabani, thotë se "Ambulanca ishte më shërbim, dhe mbërriti pas 20 minutash në Gjykatë. Mjekët ishin në një urgjencë tjetër. Në dispozicion 2 mjekë dhe 2 ambulanca, 1 grup nuk lëviz".
